తెలంగాణ ద్రోహుల విగ్రహాలు కూల్చేస్తం
రాష్ట్రంలో ఉన్న తెలంగాణ ద్రోహుల విగ్రహాలను కూలగొడుతామని ఉస్మానియా యూనివర్సిటీ విద్యార్థి నాయకులు హెచ్చరించారు. తెలంగాణ సాంస్కృతిక, జానపద కళలకు కేంద్రమైన రవీంద్రభారతిలో ఎస్పీ బాలసుబ్రహ్మణ్యం విగ్రహ ఏర్పాటును ఖండించారు.
- తెలంగాణలో ఆంధ్రావారి విగ్రహాలెందుకు?
- రవీంద్రభారతిలో గద్దర్, అందెశ్రీ,అంజయ్య విగ్రహాలు ఏర్పాటు చేయాలి
- ఉస్మానియా వర్సిటీ విద్యార్థి నేతలు
ఉస్మానియా యూనివర్సిటీ, డిసెంబర్ 15: రాష్ట్రంలో ఉన్న తెలంగాణ ద్రోహుల విగ్రహాలను కూలగొడుతామని ఉస్మానియా యూనివర్సిటీ విద్యార్థి నాయకులు హెచ్చరించారు. తెలంగాణ సాంస్కృతిక, జానపద కళలకు కేంద్రమైన రవీంద్రభారతిలో ఎస్పీ బాలసుబ్రహ్మణ్యం విగ్రహ ఏర్పాటును ఖండించారు. ఆర్ట్స్ కళాశాల ఆవరణలో బీసీ స్టూడెంట్స్ ఫెడరేషన్ రాష్ట్ర అధ్యక్షుడు సైదులుయాదవ్ ఆధ్వర్యంలో సోమవారం నిర్వహించిన మీడియా సమావేశంలో ఐక్య విద్యార్థి సంఘాల నాయకులు పాల్గొన్నారు. తెలంగాణలో ఆంధ్రాప్రాంతం వారి విగ్రహాలు ఎందుకు ఏర్పాటుచేస్తున్నారో ప్రజలకు చెప్పాలని డిమాండ్ చేశారు. తెలంగాణ విముక్తి కోసం జరిగిన ఉద్యమాలకు నాయకత్వం వహించి, పోరాడిన మేధావులు, కవులు, కళాకారుల విగ్రహాలను ట్యాంక్బండ్పై ఎందుకు ప్రతిష్టించడంలేదో సీఎం రేవంత్రెడ్డి స్పష్టంచేయాలని డిమాండ్ చేశారు.
రవీంద్రభారతి ఆవరణలో గద్దర్, అందెశ్రీ, గూడ అంజయ్య, సంగంరెడ్డి సత్యనారాయణ, శ్రీకాంతాచారి, బెల్లి లలిత, ప్రభాకర్రెడ్డి తదితరుల విగ్రహాలు ఏర్పాటుచేయాలని ప్రభుత్వాన్ని డిమాండ్ చేశారు. ఇతరుల విగ్రహాలు ఏర్పాటు చేస్తే తెలంగాణ ఉద్యమం తరహాలో మిలియన్ మార్చ్ మాదిరిగా ఓయూ విద్యార్థుల మార్చ్ నిర్వహించి ద్రోహుల విగ్రహాలను కూలుస్తామని హెచ్చరించారు. తెలంగాణ రాష్ట్రం ఏర్పాటైన తరువాత కూడా మళ్లీ ఆధిపత్యం చెలాయించేందుకు, తెలంగాణను దోచుకునేందుకు చేస్తున్న ప్రయత్నాల్లో భాగంగా ఈ విగ్రహాలు ఏర్పాటుచేస్తున్నారని మండిపడ్డారు. దీనికి తెలంగాణ ప్రభుత్వం సహాయం చేయడం ద్రోహమని విమర్శించారు. సమావేశంలో తెలంగాణ మలిదశ ఉద్యమకారుడు పల్లె ఆంజనేయులు, వివిధ విద్యార్థి సంఘాల నాయకులు మహేశ్గౌడ్, మీసాల మహేశ్, నూకల మధు, చిందం మధు, అశ్వన్, నరేశ్గౌడ్, కంబాలపల్లి మహేశ్, నగేశ్, శివ, చంద్రకాంత్ తదితరులు పాల్గొన్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Diabetes | వయసుతోపాటు బీపీ, షుగర్, కొలెస్ట్రాల్ వస్తాయా? పోషకాహార నిపుణుల కీలక హెచ్చరిక..
తమిళనాడు ఇన్వెస్ట్మెంట్ వివరాలు ఆంధ్రాకు లీక్?.. 15 మంది అధికారులను తొలగించిన సీఎం విజయ్
AP News | ఏపీలో 58 ఎంపీపీ స్థానాల్లో ఎన్నికలు పెండింగ్..!
AP News | బొత్స ఇలాకాలో వైసీపీకి ఘోర పరాజయం.. కేవలం ఒక్క ఎంపీపీ స్థానమే దక్కిన వైనం..!
Rajinikanth | మనవడితో రజినీకాంత్ స్టైలిష్ వాక్ అదిరిందంతే
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

