15, 16 తేదీల్లో కొత్త ఓటర్ల నమోదు

రాష్ట్రంలోని అన్ని పోలింగ్‌ కేంద్రాల వద్ద ఈ నెల 15, 16 తేదీల్లో కొత్త ఓటర్ల నమోదు కోసం ప్రత్యేక క్యాంపులు నిర్వహిస్తామని సీఈవో సీ సుదర్శన్‌రెడ్డి తెలిపారు.

• సీఈవో సుదర్శన్‌రెడ్డి

హైదరాబాద్‌, అక్టోబర్‌ 13 (నమస్తే తెలంగాణ) : రాష్ట్రంలోని అన్ని పోలింగ్‌ కేంద్రాల వద్ద ఈ నెల 15, 16 తేదీల్లో కొత్త ఓటర్ల నమోదు కోసం ప్రత్యేక క్యాంపులు నిర్వహిస్తామని సీఈవో సీ సుదర్శన్‌రెడ్డి తెలిపారు.

డ్రాఫ్ట్‌ నోటిఫికేషన్‌లో పేర్లు లేని వారు, ఇప్పుడే 18 ఏండ్లు నిండిన వారు పోలింగ్‌ కేంద్రాల నిర్వహించే క్యాంపుల్లో ఫారం-6 ద్వారా కొత్త ఓటరుగా నమోదు చేసుకోవడానికి దరఖాస్తులు సమర్పించాలని మంగళవారం ఒక ప్రకటనలో సూచించారు.