Visit:
హైదరాబాద్, డిసెంబర్ 21 (నమస్తే తెలంగాణ) : చిన్నారి వైద్యానికి అరవై వేల ఆర్థిక సహాయం అందించి హెల్పింగ్ హ్యాండ్స్ సంస్థ ప్రతినిధులు తమ ఔదార్యాన్ని చాటుకున్నారు. తండ్రి లేని నిరుపేద కుటుంబానికి బాసటగా నిలిచారు. హనుమకొండ జిల్లా హసన్పర్తికి చెందిన దండుగూడెం ఆశ్రిత (13) ఇటీవల అనారోగ్యం బారినపడింది. ఇన్ఫెక్షన్ సోకడంతో బాలికను దవాఖానలో చేర్పించారు. తండ్రిని కోల్పోయిన కుటుంబం ఆశ్రిత వైద్యానికి, దవాఖాన బిల్లులు చెల్లించలేక తీవ్ర ఇబ్బందులు పడింది. విషయం సోషల్ మీడియా ద్వారా తెలుసుకున్న హె ల్పింగ్ హ్యాండ్స్ సంస్థ, తెలంగాణ విద్యుత్తు అకౌంట్స్ ఆఫీసర్స్ అసోసియేషన్ ప్రధాన కా ర్యదర్శి పాపకంటి అంజయ్య ఆదివారం హసన్పర్తి వెళ్లి ఆశ్రితను కలిసి రూ. 60వేలు ఆర్థిక సహాయం అందించారు. ఈ కార్యక్రమంలో నాజర్షరీఫ్, పరమేశ్, సంతోష్కుమార్, బుచ్చిరెడ్డి, అనిల్, అనురాధ, తేజస్విని, లక్పతి తదితరులు పాల్గొన్నారు.
