Visit:
హైదరాబాద్, జనవరి 18(నమస్తే తెలంగాణ): రాష్ట్రంలో కాంగ్రెస్ పార్టీని ప్రజలు బొందపెట్టడం ఖాయమని మాజీ మంత్రి సిం గిరెడ్డి నిరంజన్రెడ్డి హెచ్చరించారు. బీఆర్ఎస్ అంటే తెలంగాణ అస్తిత్వం, ఆత్మగౌరవమని, అలాంటి పార్టీ గద్దెలు కూల్చాలని రేవంత్ చేసిన వ్యాఖ్యలను ఆయన తీవ్రంగా ఖండించారు. అడ్డగోలు హామీలిచ్చి అధికారంలోకి వచ్చిన కాంగ్రెస్ గద్దెలను ప్రజలు కూల్చే సమయం ఆసన్నమైందని పేర్కొన్నారు. తె లంగాణలో ఉన్న కొద్దిమంది ఓట్ల కోసం టీడీపీ గురించి రేవంత్ మొసలికన్నీరు కారుస్తున్నారని విమర్శించారు.
టీడీపీ ఇండియా కూటమిలో ఉన్నదా? ఎన్డీఏ కూటమిలో ఉన్నదా? అని ప్రశ్నించారు. అసలు రేవంత్రెడ్డి కాంగ్రెస్ పార్టీ నా? టీడీపీనా? తే ల్చుకోవాలని సూచించారు. ఓట్ల కోసం నాటకాలు ఆడితే అన్నిసార్లు ప్రజలు నమ్ముతారనుకోవడం అవివేకమని చురకలంటించారు. సీఎం హోదాలో ఉండి చిల్లరకూతలు కూయడం రేవంత్ మానసికస్థితికి అద్దం పడుతుందని ఎద్దేవాచేశారు. సహచర మంత్రులతో ఉన్న విభేదాలతో ఏం చేయాలో తెలియక, వాటి నుంచి ప్రజల దృష్టిని మళ్లించేందుకు ఈ వ్యాఖ్యలు చేసినట్టు పేర్కొన్నారు.
