జాగ్రత్తగా బడికి!

• కొవిడ్‌ నిబంధనలు పాటించడం తప్పనిసరి
• విద్యార్థుల మధ్య మీటర్‌ దూరం ఉండేలా సీట్లు
• విద్యాశాఖ మార్గదర్శకాలు

హైదరాబాద్‌, ఆగస్టు 30 (నమస్తే తెలంగాణ): పాఠశాలల పునఃప్రారంభం నేపథ్యంలో విద్యార్థులు కొవిడ్‌ నిబంధనలను కచ్చితంగా పాటించాలని విద్యాశాఖ మరోసారి స్పష్టంచేసింది. ఇప్పటికే స్కూళ్లు, గురుకులాలు, కేజీబీవీలు, హాస్టళ్లను శానిటైజ్‌ చేశారు. తరగతులు ప్రారంభమైన తర్వాత సైతం నిబంధనల మేరకు శుభ్రం చేయాలని అధికారులు సూచించారు. బడికి వచ్చే ప్రతి విద్యార్థి ఉష్ణోగ్రతను పరిశీలించాలని, జలు బు, జ్వరం, దగ్గు వంటి లక్షణాలు ఉన్నాయేమో పరిశీలించాలన్నారు. ఏవైనా లక్షణాలు ఉన్నా, ఎవరికైనా పాజిటివ్‌గా తేలినా విద్యార్థులందరికీ కరోనా నిర్ధారణ పరీక్షలు నిర్వహించాలని ఆదేశించారు.

కొవిడ్‌ నిబంధనలు ఇవే..

• స్కూళ్లు, హాస్టళ్లు, వంటగదులు, తాగునీరు, రవాణా వ్యవస్థల్లో కొవిడ్‌ ప్రొటోకాల్స్‌ను తప్పనిసరిగా పాటించాలి.
• విద్యార్థులు, బోధన, బోధనేతర సిబ్బం ది తప్పక మాస్క్‌లు ధరించాలి.
• విద్యార్థుల మధ్య దూరం ఒక మీటరు తప్పనిసరిగా ఉండాలి. ఇందుకు అను గుణంగా మార్కింగ్‌చేయాలి.
• ఏదైనా స్కూలు లేదా హాస్టల్లో కొవిడ్‌ పాజిటివ్‌ కేసుల సంఖ్య పెరిగితే, ఆయా వివరాలను విద్యాశాఖ డైరెక్టరేట్‌తోపా టు జిల్లా కలెక్టర్‌కు తెలియజేయాలి. కొవిడ్‌ సురక్షిత పద్ధతులు తప్పనిసరిగా పాటించాలి.