విద్యుత్తు చార్జీల పెంపు ప్రతిపాదనలు తిరస్కరణ
రాష్ట్రంలో విద్యుత్తు చార్జీల పెంపు ప్రతిపాదనలను విద్యుత్తు నియంత్రణ మండలి (ఈఆర్సీ) తిరస్కరించింది. రూ. 1800కోట్ల పెంపునకు డిస్కంలు ప్రతిపాదనలు సమర్పించగా, ఈఆర్సీ ఆమోదించలేదు.
- రూ. 1800 కోట్ల పెంపును రిజెక్ట్ చేసిన ఈఆర్సీ
- 800 యూనిట్లు దాటిన వారి ఫిక్స్డ్ చార్జీలు పెంపు
- మరికొన్ని క్యాటగిరీలకూ వడ్డన
- విద్యుత్ సంస్థల పిటిషన్లపై నిర్ణయం వెల్లడి
హైదరాబాద్, అక్టోబర్ 28 (నమస్తే తెలంగాణ) : రాష్ట్రంలో విద్యుత్తు చార్జీల పెంపు ప్రతిపాదనలను విద్యుత్తు నియంత్రణ మండలి (ఈఆర్సీ) తిరస్కరించింది. రూ. 1800కోట్ల పెంపునకు డిస్కంలు ప్రతిపాదనలు సమర్పించగా, ఈఆర్సీ ఆమోదించలేదు. దీంతో విద్యుత్తు చార్జీల పెంపునకు బ్రేక్పడింది. మొత్తంగా చార్జీల వడ్డన ఉంటుందని కంగారుపడ్డ వినియోగదారులకు ఈఆర్సీ నిర్ణయంతో ఉపశమనం కలిగింది. సోమవారం ఎర్రగడ్డలోని విద్యుత్తు నియంత్రణ భవన్లో ఈఆర్సీ చైర్మన్ శ్రీరంగారావు, సభ్యులు బండారు కృష్ణయ్య, మనోహర్రాజు ఈఆర్సీ నిర్ణయాలను మీడియాకు వెల్లడించారు. డిస్కంలు ప్రతిపాదించిన చార్జీల పెంపు ప్రతిపాదనలను తిరస్కరించామని, చార్జీల్లో ఎలాంటి మార్పులుండవని ప్రకటించారు. అయితే కొన్ని క్యాటగిరీల్లో మార్పులతో 0.47శాతం టారిఫ్రేట్లు పెరిగాయని వివరించారు. దీంతో సామాన్య, మధ్యతరగతి వారిపై భారం పడదని తెలిపారు. అయితే కొన్ని కేటగిరి వినియోగదారుల ఫిక్స్డ్ చార్జీలను పెంచారు. విద్యుత్ సంస్థలు దాఖలు చేసిన 9 పిటిషన్లపై ఈ మేరకు నిర్ణయం వెల్లడించింది.
ఫిక్స్డ్ ఛార్జీల పెంపు ఇలా..
- డొమెస్టిక్ కేటగిరిలో 801 యూనిట్లకు పై గల వారికి ఫిక్స్డ్ చార్జీలను రూ. 10 నుంచి రూ. 50కి పెంచాలని డిస్కంలు ప్రతిపాదించగా, ఇందుకు ఈఆర్సీ ఆమోదం తెలిపింది.
- వినియోగదారుల టారిఫ్ను రూ. 7.65కు పెంచాలనే ప్రతిపాదనను తిరస్కరించింది.
- హెచ్టీ (1) కేటగిరిలో 11కేవీ, 33, కేవీ, 132 కేవీ అయితే ఈ క్యాటగిరీ కనెక్షన్ల ఫిక్స్డ్ చార్జీలను రూ. 475 నుంచి రూ. 500కు పెంచింది.
- దేవాలయాలు, మసీదులు, చర్చిల ఫిక్స్డ్ చార్జీలను రూ. 475 నుంచి రూ. 500కు, ఎయిర్పోర్టులు, బస్స్టేషన్లు, ఇరిగేషన్, రైల్వేస్టేషన్ల ఫిక్స్డ్ చార్జీలను రూ. 475 నుంచి రూ. 500కు, ఎత్తిపోతల పథకాలకు రూ. 275 నుంచి రూ.300కు పెంచారు.
ఈఆర్సీ తిరస్కరించినవి.. - డొమెస్టిక్ క్యాటగిరి అయిన (ఎల్టీ 1 (ఏ) క్యాటగిరీ టారిఫ్లో ఎలాంటి మార్పులు లేవు. అయితే నెలవారీగా కనిష్ట విద్యుత్తు చార్జీలను ఈఆర్సీ ఎత్తివేసింది.
- 300 యూనిట్లు దాటిన వినియోగదారుల ఫిక్స్డ్ చార్జీలను రూ. 10 నుంచి రూ.50కి పెంచాలని డిస్కంలు ప్రతిపాదించగా, దీనిని ఈఆర్సీ తిరస్కరించింది. దీంతో 301 యూనిట్ల నుంచి 800 యూనిట్ల వరకు ఫిక్స్డ్ చార్జీ రూ. 10గానే ఉండనుంది.
- కమర్షియల్ (ఎల్టీ -2 ) క్యాటగిరీ వినియోగదారులకు 60 యూనిట్ల వరకు రూ. 60 ఫిక్స్డ్ చార్జీగా తీసుకుంటున్నారు. డిస్కంలు యూనిట్లను బట్టి రూ. 70 నుంచి రూ. 150 వరకు ప్రతిపాదించగా, ఆమోదించింది.
- పరిశ్రమల (ఎల్టీ 3) కేటగిరిలో ఫిక్స్డ్ చార్జీలను రూ. 75 నుంచి రూ.150కి పెంచాలని డిస్కంలు కోరగా, రూ.100, షిపికల్చర్, ప్రాన్కల్చర్, షుగర్కేన్ పరిశ్రమలకు ఫిక్స్డ్ ఛార్జీలు రూ. 36 నుంచి రూ. 50కు పెంచారు.
- మష్రూమ్ ఫామ్స్, ర్యాబిట్, గొర్రెలు, మేకల ఫామ్స్ ఫిక్స్డ్ చార్జీలను రూ. 75 నుంచి రూ.100కు పెంచారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Rahul Gandhi: ఆర్థిక సంక్షోభ అంచుల్లో భారత్.. తీవ్ర స్థాయిలో నిరుద్యోగం: రాహుల్ గాంధీ
Munipalli | స్నానం చేస్తేనే పాఠశాలకు రావాలి..! నేను ఇంతే, నా మాటే శాసనం
Dulquer Salmaan | విమర్శలను మోటివేషన్గా మార్చుకుంటున్నా: దుల్కర్ సల్మాన్!
ఉసిరికాయలపల్లి ఏహెచ్ఎస్ పాఠశాలలో డీడీ ఆకస్మిక తనిఖీ
Korukanti Chander | బూడిద లారీల పేరిట కలెక్టర్ దోపిడీ..! : మాజీ ఎమ్మెల్యే కోరుకంటి చందర్
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

