ఏపీ బీజేపీ అధ్యక్షుడిగా పీవీఎన్‌ మాధవ్‌ ఏకగ్రీవం

ఏపీ బీజేపీ రాష్ట్ర నూతన అధ్యక్షుడిగా పీవీఎన్‌ మాధవ్‌ ఏకగ్రీవంగా ఎన్నికయ్యారు. మంగళవారం విజయవాడలోని బీజేపీ రాష్ట్ర కార్యాలయంలో జరిగిన కార్యక్రమంలో ఆయన ఏకగ్రీవంగా ఎన్నికైనట్టు బీజేపీ జాతీయ కౌన్సిల్‌ సభ్యుడు మోహన్‌ ప్రకటించారు.

హైదరాబాద్‌, జూలై 1 (నమస్తే తెలంగాణ) : ఏపీ బీజేపీ రాష్ట్ర నూతన అధ్యక్షుడిగా పీవీఎన్‌ మాధవ్‌ ఏకగ్రీవంగా ఎన్నికయ్యారు. మంగళవారం విజయవాడలోని బీజేపీ రాష్ట్ర కార్యాలయంలో జరిగిన కార్యక్రమంలో ఆయన ఏకగ్రీవంగా ఎన్నికైనట్టు బీజేపీ జాతీయ కౌన్సిల్‌ సభ్యుడు మోహన్‌ ప్రకటించారు. ఈ సందర్భంగా ఇప్పటివరకు అధ్యక్షురాలిగా ఉన్న రాజమహేంద్రవరం ఎంపీ పురందేశ్వరి నుంచి మాధవ్‌ బాధ్యతలు స్వీకరించారు.

అనంతరం ఆయన మాట్లాడుతూ.. రాష్ట్రం మరోసారి విభజన గాయాలకు గురికాకుండా ఈ ప్రాంత సంస్కృతీ, సంప్రదాయాలు, భాష, వారసత్వంపై ప్రజలకు నాది అనే భావన పెరిగేలా చూడాల్సిన బాధ్యత అందరిపై ఉందని తెలిపారు. పునర్విభజన చట్టంలో ఇంకా మిగిలిన సమస్యల పరిష్కారానికి తనవంతు కృషిచేస్తానని ఆయన పేర్కొన్నారు.