అనాలోచితంగా జీవోలు.. ఆపై యూటర్న్‌లు

అనాలోచితంగా జీవోలు ఇచ్చేయడం.. ఆ తర్వాత ప్రజల నుంచి తీవ్ర వ్యతిరేకత రాగానే యూటర్న్‌ తీసుకోవడం రేవంత్‌ సర్కార్‌కు పరిపాటిగా మారింది. పాలనపై పట్టులేక, క్షేత్రస్థాయిలో వాస్తవ పరిస్థితులు తెలుసుకోకుండా ఇటీవల విడుదల చేసి వెనక్కి తీసుకున్న ఉత్తర్వులే అందుకు నిదర్శనం. గతంలో నిషేధిత భూముల జాబితా(22ఏ) నిబంధనల విషయంలో సామాన్యులు, రైతుల నిరసనలతో దిగొచ్చిన ప్రభుత్వం సవరణలు చేయాల్సి వచ్చింది.

• ప్రజాగ్రహంతో వెనక్కి తగ్గి సవరణలు
• బోరుబావుల ఉత్తర్వులపై జీవో 259ను వెనక్కి తీసుకున్న రేవంత్‌ సరార్‌
• సమ్మె హెచ్చరికలు, ప్రజల నిరసనలతో 22ఏ, పాలిటెక్నిక్‌పై దిగొచ్చిన మంత్రులు
• పాలనపై పట్టులేని సర్కార్‌పై విమర్శలు

హైదరాబాద్‌, నవంబర్‌ 15 (నమస్తే తెలంగాణ): అనాలోచితంగా జీవోలు ఇచ్చేయడం.. ఆ తర్వాత ప్రజల నుంచి తీవ్ర వ్యతిరేకత రాగానే యూటర్న్‌ తీసుకోవడం రేవంత్‌ సర్కార్‌కు పరిపాటిగా మారింది. పాలనపై పట్టులేక, క్షేత్రస్థాయిలో వాస్తవ పరిస్థితులు తెలుసుకోకుండా ఇటీవల విడుదల చేసి వెనక్కి తీసుకున్న ఉత్తర్వులే అందుకు నిదర్శనం. గతంలో నిషేధిత భూముల జాబితా(22ఏ) నిబంధనల విషయంలో సామాన్యులు, రైతుల నిరసనలతో దిగొచ్చిన ప్రభుత్వం సవరణలు చేయాల్సి వచ్చింది.

ఆ తర్వాత శక్తి పేరుతో పాలిటెక్నిక్‌ కళాశాలలను స్కిల్డ్‌ యూనివర్సిటీలో వీలినం చేయడానికి జారీ చేసిన జీవోపై విద్యార్థి సంఘాలు, వారికి మద్దతుగా బీఆర్‌ఎస్‌ పార్టీ ఆందోళనకు దిగడం వెనకి తగ్గింది. తాజాగా హైదరాబాద్‌ కోర్‌ అర్బన్‌ రీజియన్‌లో భూగర్భ జలాల సంరక్షణ పేరిట కొత్త బోరుబావుల తవ్వకాలను నిషేధిస్తూ జారీ చేసిన జీవో 259 విషయంలోనూ ఇదే పునరావృతమైంది. ఈ ఆంక్షల వల్ల మధ్యతరగతి ప్రజలు ఇబ్బందులు పడటమే గాక బోరుబావుల యజమానులు, కార్మికులు సమ్మెకు సిద్ధమవడంతో మంత్రులు భట్టి విక్రమార, పొంగులేటి శ్రీనివాస్‌రెడ్డి అత్యవసర అవసరాలకు ఆన్‌లైన్‌ అనుమతులతో బోర్లు తవ్వుకొనేందుకు వెసులుబాటు కల్పించారు.

జీవో 259లో మార్పులతో సామాన్యులకు ఊరట
ఎల్‌ నినో ప్రభావం, వర్షపాత లోటు కారణంగా హైదరాబాద్‌ కోర్‌ అర్బన్‌ రీజియన్‌లో భూగర్భ జలాల సంరక్షణ పేరిట ప్రభుత్వం అక్టోబర్‌ 29న జారీ చేసిన 259 విషయంలో కీలక మార్పులు చేశారు. ఈ జీవో ప్రకారం.. 2026 నవంబర్‌ 1 నుంచి 2027 జూలై 31 వరకు తొమ్మిది నెలల పాటు కోర్‌ అర్బన్‌ రీజియన్‌లో కొత్త బోరుబావుల తవ్వకాలపై కఠిన ఆంక్షలు విధించారు. దీనివల్ల సొంతింటి కల నెరవేర్చుకోవాలనుకునే మధ్యతరగతి కుటుంబాలు, భవన నిర్మాణదారులు తీవ్ర ఇబ్బందులు ఎదురొన్నారు.

మరోవైపు హైడ్రా, రెవెన్యూ అధికారులు కేవలం కొత్త తవ్వకాలనే కాకుండా, పాత బోరుబావుల మరమ్మతు వాహనాలను, రిగ్‌ యంత్రాలను సీజ్‌ చేస్తుండటంతో వేలాది మంది జీవనోపాధిపై ప్రభావం పడింది. ఈ క్రమంలో సర్కార్‌పై తీవ్ర వ్యతిరేకత వచ్చింది. జీవోను సవరించకపోతే రాష్ట్రవ్యాప్తంగా సమ్మెకు దిగుతామని తెలంగాణ రిగ్‌ ఓనర్స్‌ అసోసియేషన్‌ ప్రతినిధులు ఇటీవల ఉప ముఖ్యమంత్రి మల్లు భట్టి విక్రమార, మంత్రి పొంగులేటి శ్రీనివాస్‌రెడ్డికి తేల్చిచెప్పడంతో నిబంధనలను సరళీకృతం చేస్తూ అనుమతులు ఇచ్చేందుకు అంగీకరించారు.

ఆన్‌లైన్‌ దరఖాస్తుతో సులభంగా అనుమతులు
ప్రభుత్వ తాజా నిర్ణయం ప్రకారం, తాగునీటి అవసరాలు లేదా అత్యవసర గృహ నిర్మాణ అవసరాల కోసం కొత్త బోరుబావులు తవ్వుకోవాలనుకునే వారు అధికారిక ఆన్‌లైన్‌ పోర్టల్‌ ద్వారా దరఖాస్తు చేసుకోవచ్చు. ఇప్పటికే ఉన్న పాత బోరుబావుల మరమ్మతులు, మోటర్ల బిగింపు పనులకు ముందస్తు అనుమతులు అవసరం లేదని, అలాంటి మరమ్మతు వాహనాలను అధికారులు సీజ్‌ చేయకూడదని స్పష్టమైన ఆదేశాలు జారీ అయ్యాయి. ప్రభుత్వ ఆదేశాలను రెవెన్యూ, హైడ్రా అధికారులు తు.చ తప్పకుండా అమలు చేయాలని, దరఖాస్తుల పేరుతో ఎమ్మార్వో కార్యాలయాల్లో అవినీతి, జాప్యం జరుగకుండా నిరంతరం పర్యవేక్షించాలని ప్రజలు కోరుతున్నారు.