Visit:
హైదరాబాద్, సెప్టెంబర్ 21 (నమస్తే తెలంగాణ): బీసీ మహిళల కోసం చేపట్టిన ‘ఇంటింటా ఇందిరమ్మ కుట్టు మిషన్లు’ పథకం కోసం ఇప్పటివరకు 4.6 లక్షల దరఖాస్తులు వచ్చాయని బీసీ సంక్షేమ శాఖ మంత్రి పొన్నం ప్రభాకర్ వెల్లడించారు. బీసీ సంక్షేమ శాఖ ఉన్నతాధికారులతో మినిస్టర్స్ క్వార్టర్స్ ప్రత్యేక సమీక్షా సమావేశాన్ని సోమవారం నిర్వహించారు.
కుట్టు మిషన్ల పథకం అప్లికేషన్ ప్రక్రియ, బీసీ గురుకులాలు, హాస్టళ్ల పనితీరుపై చర్చించారు. ఈ సందర్భంగా మంత్రి పొన్నం మాట్లాడుతూ.. కుట్టు మిషన్ల పథకం కోసం దరఖాస్తుల స్వీకరణ 30వ తేదీతో ముగుస్తుందని గుర్తుచేశారు. అర్హులైన ప్రతి బీసీ మహిళకూ ప్రయోజనం చేకూర్చేలా చూడాలని అధికారులను ఆదేశించారు.
