ఓటేసే ముందు ఒక్క నిమిషం!

ఇంటినుంచి బయల్దేరినప్పుడు పరిసరాలను పరికించు

ఇంటినుంచి బయల్దేరినప్పుడు
పరిసరాలను పరికించు
దారిపొడవునా పక్కారోడ్డు
నీ పాదాలను ముద్దాడుతున్నది
ఆ అభివృద్ధిని ఆనందించు

పచ్చని వస్ర్తాన్ని కప్పుకుని నేల,
పంటలతో కళకళలాడుతున్న చేను
నీకు నమస్కరిస్తున్నాయి.
ఆ అందాన్ని అస్వాదించు

ఒకనాడు ఎండినవాగులు
నిండునీటితో పరుగులు తీస్తూ
నీ పాదాలు కడుగుతున్నాయి
ఆ అద్భుతాన్ని అనుభవించు

ఇంటికాడ, పొలంకాడ
ఎక్కడ చూసినా
రెప్పవేయని కరెంటు
నిరంతరం కండ్లముందే ఉన్నది
ఆ వైభవాన్ని అవలోకించు

బాగైన చెరువు, బాయికాడి కరెంటు,
బాదరబందీలేని బతుకుబండి
మారిన బడి, గుడి, దవాఖాన
బీమా, పింఛన్‌, రేషన్‌
సొంతింటి సంతోషం డబుల్‌
తాకులాటల్లేవు, తండ్లాటల్లేవు
పల్లె పచ్చగా ఉన్నది
ఊరు ప్రశాంతంగా ఉన్నది

అభివృద్ధి కాగితాల్లో లేదు
కండ్లముందే ఉన్నది
మారిన పల్లెకు మనమే సాక్ష్యం
ఇంతకుమించిన
మార్పు ఏమున్నది?

ఆ సౌలత్‌లన్నీ మనం తెచ్చుకున్నవే
ఆ సంక్షేమం మనం గెలిపించుకున్నదే

ఒక్కసారి ఆలోచించు
సుపరిపాలన కావాల్నా?
సుపారి పాలన కావాల్నా?
సంక్షేమ పాలన కావాల్నా?
సఫరయ్యే పాలన కావాల్నా?

ఓటరన్నా..
నువ్వు
ఓడిపోవద్దు
తెలంగాణను
ఓడనివ్వొద్దు