హైదరాబాద్: తెలంగాణ రాష్ట్రంలో లైంగిక నేరస్థుల రిజిస్టర్ను ఏర్పాటు చేయాలని సామాజిక కార్యకర్త, పద్మశ్రీ అవార్డు గ్రహీత సునితా కృష్ణన్ చేసిన విజ్ఞప్తికి ఐటీశాఖ మంత్రి కేటీఆర్ స్పందించారు. తెలంగాణలోని లైంగిక నేరాల్లో నిందితులుగా ఉన్న వారితో అమెరికా తరహాలో జాబితా తయారు చేయాలని, ఆ జాబితా ప్రజలకు అందుబాటులో ఉండేలా చూడాలని సామాజిక కార్యకర్త సునిత ఓ ట్వీట్ చేశారు. ఆ ట్వీట్ను ఆమె మంత్రి కేటీఆర్కు ట్యాగ్ చేశారు.
Let’s absolutely get it done. Please present the concept note and we will take it forward https://t.co/upfIM1Au0W
— KTR (@KTRTRS) October 20, 2022
రిక్రూట్మెంట్ ప్రక్రియలో సెక్స్ అఫెండర్స్ రిజిస్టర్ పనిచేస్తుందని ఆమె ఆ ట్వీట్లో అభిప్రాయపడ్డారు. నేరస్థుల జాబితాను తయారు చేసేందుకు తన వద్ద ఒక కాన్సెప్ట్ ఉందని, సుమారు 20 దేశాల్లో నిర్వహించిన పరిశోధనల ఆధారంగా ఆ విధానాన్ని రూపొందించామని, దాన్ని సమర్పించేందుకు తాను సిద్ధంగా ఉన్నట్లు సునిత తన ట్వీట్లో తెలిపారు.
మంత్రి కేటీఆర్ ఇవాళ ఆ ట్వీట్కు రిప్లై ఇచ్చారు. లైంగిక నేరస్థుల జాబితాను కచ్చితంగా తయరు చేద్దామని కేటీఆర్ అన్నారు. అయితే దానికి సంబంధించిన కాన్సెప్ట్ను ప్రభుత్వానికి ప్రజెంట్ చేయాలని, ఆ కాన్సెప్ట్ను తాము కచ్చితంగా ముందుకు తీసుకువెళ్లనున్నట్లు మంత్రి కేటీఆర్ తెలిపారు.