ఈశాన్య రుతుపవనాలు వచ్చేశాయ్‌

దేశంలో ఈశాన్య రుతుపవనాల ఆగమనం ప్రారంభమైనట్టు భారత వాతావరణశాఖ ప్రకటించింది. ఇప్పటికే వీటి ప్రభావం తమిళనాడు, కేరళ రాష్ట్రాల్లో స్పష్టంగా కనిపిస్తున్నది. ఆగ్నేయం, దానిని ఆనుకుని ఉన్న తూర్పు మధ్య బంగాళాఖాతంలో ఏర్పడిన అల్పపీడనం వాయువ్య దిశగా కదులుతోంది.

• ప్రకటించిన వాతావరణశాఖ

హైదరాబాద్‌, అక్టోబర్‌ 21 (నమస్తే తెలంగాణ): దేశంలో ఈశాన్య రుతుపవనాల ఆగమనం ప్రారంభమైనట్టు భారత వాతావరణశాఖ ప్రకటించింది. ఇప్పటికే వీటి ప్రభావం తమిళనాడు, కేరళ రాష్ట్రాల్లో స్పష్టంగా కనిపిస్తున్నది. ఆగ్నేయం, దానిని ఆనుకుని ఉన్న తూర్పు మధ్య బంగాళాఖాతంలో ఏర్పడిన అల్పపీడనం వాయువ్య దిశగా కదులుతోంది. ఈ ప్రభావం ఏపీ, తెలంగాణలపై ఉండకపోవచ్చని అభిప్రాయపడింది. రాగల మూడు రోజుల పాటు కొన్నిచోట్ల చెదురుమదురు వర్షాలు పడే అవకాశం ఉందని వివరించింది. అరేబియా మహాసముద్రంలో కొనసాగుతున్న తుఫానుకు ‘తేజ్‌’గా నామకరణం చేశారు.