Kishan Reddy | అమరావతికి నిధులిస్తే మీకు వచ్చిన ఇబ్బందేంది?: కేంద్ర మం త్రి కిషన్‌రెడ్డి

ఆంధ్రప్రదేశ్‌లోని అమరావతికి నిధులిస్తే.. తెలంగాణకు (మీకు) వచ్చిన ఇబ్బందేమిటి? అని కేంద్ర గనుల శాఖ మం త్రి కిషన్‌రెడ్డి నిలదీశారు. తెలంగాణకు ఏం చేయాలో బీజేపీకి బాగా తెలుసు అని పేర్కొన్నారు.

• తెలంగాణకు ఏం చేయాలో బీజేపీకి తెలుసు: కిషన్‌రెడ్డి

Kishan Reddy | హైదరాబాద్‌, జూలై 24 (నమస్తే తెలంగాణ): ఆంధ్రప్రదేశ్‌లోని అమరావతికి నిధులిస్తే.. తెలంగాణకు (మీకు) వచ్చిన ఇబ్బందేమిటి? అని కేంద్ర గనుల శాఖ మం త్రి కిషన్‌రెడ్డి నిలదీశారు. తెలంగాణకు ఏం చేయాలో బీజేపీకి బాగా తెలుసు అని పేర్కొన్నారు. తెలంగాణలో తమకు 35 శాతం ఓట్లు వచ్చాయని తెలిసి జీర్ణించుకోలేక కాం గ్రెస్‌, బీఆర్‌ఎస్‌ కుట్రపూరితంగా వ్యవహరిస్తున్నాయని మండిపడ్డారు. తెలంగాణ పద మే బహిషరించారని రేవంత్‌ అనడం హాస్యాస్పదమని పేర్కొన్నారు. బుధవారం ఢిల్లీలో ఆయన మీడియాతో మాట్లాడుతూ.. తెలంగాణకు బడ్జెట్‌లో కేంద్రం నిధులు ఇవ్వలేదని ప్రజలను తప్పుదారి పట్టించేవిధంగా, రెచ్చగొట్టే విధంగా ఇవాళ రేవంత్‌ ప్రయత్నిస్తున్నారని విమర్శించారు. కేసీఆర్‌ కలిసి రావాలి.. కలిసి దీక్షచేద్దాం.. చచ్చుడో..తెలంగాణకు నిధులు తెచ్చుడో అని బ్లాక్‌మెయిల్‌కు పాల్పడుతున్నారని ఆరోపించారు.

సింగరేణిని ప్రైవేటీకరించం

తెలంగాణలోని సింగరేణి కాలరీస్‌ కంపెనీని ప్రైవేటీకరించే ఆలోచన ప్రభుత్వానికి లేదని కేంద్ర గనులశాఖ మంత్రి కిషన్‌రెడ్డి పార్లమెంట్‌కు వెల్లడించారు. సింగరేణి బలోపేతానికి కేంద్రం కృషిచేస్తుందని చెప్పారు. బుధవారం పార్లమెంట్‌ ప్రశ్నోత్తరాల సమయంలో ఆయన మాట్లాడుతూ..కేంద్ర, రాష్ట్ర ప్రభుత్వాల సంయుక్త ఆధ్వర్యంలో ఉన్న సింగరేణి.. బొగ్గు నిల్వలు తెలంగాణలోని ప్రాణహిత- గోదావరి లోయలో 350 కిలోమీటర్ల వరకు విస్తరించి ఉన్నాయి.