ప్రణీత్‌ హనుమంతుపై నార్కోటిక్‌ కేసు

యూట్యూబర్‌ ప్రణీత్‌ హనుమంతు పై డ్రగ్స్‌ కేసు నమోదుకాగా 14 రోజుల జ్యుడీషియల్‌ కస్టడీలో ఉంచారు. చంచల్‌గూడలోని సెంట్రల్‌ జైలులో ఉన్న ప్రణీత్‌ హనుమంతు గతంలో డ్రగ్స్‌ సేవించినట్టు నార్కోటిక్‌ బ్యూరో దర్యాప్తు అధికారులు నిర్ధారించారు.

హైదరాబాద్‌, జూలై 19 (నమస్తే తెలంగాణ) : యూట్యూబర్‌ ప్రణీత్‌ హనుమంతు పై డ్రగ్స్‌ కేసు నమోదుకాగా 14 రోజుల జ్యుడీషియల్‌ కస్టడీలో ఉంచారు. చంచల్‌గూడలోని సెంట్రల్‌ జైలులో ఉన్న ప్రణీత్‌ హనుమంతు గతంలో డ్రగ్స్‌ సేవించినట్టు నార్కోటిక్‌ బ్యూరో దర్యాప్తు అధికారులు నిర్ధారించారు. ఓ తండ్రి, కూతురు వీడియోపై అసభ్యకరంగా మాట్లాడిన కేసులో ఈ యూట్యూబర్‌ని ఇటీవలే సైబర్‌ సెక్యూరిటీ పోలీసులు అరెస్టు చేశారు. విచారణ నిమిత్తం ప్రణీత్‌ను మూడు రోజుల కస్టడీకి ఇవ్వాలని సైబర్‌ సెక్యూరిటీ పోలీసులు కోర్టులో పిటిషన్‌ దాఖలు చేశారు.

‘యువ లిమిట్‌లెస్‌’ పాడ్‌కాస్ట్‌లో సందీప్‌ శాండిల్య

హైదరాబాద్‌, జూలై 19 (నమస్తే తెలంగాణ) : డ్రగ్స్‌ వాడకంతో కలిగే అనర్థాలపై రాష్ట్ర యాంటీ నార్కోటిక్‌ బ్యూరో డైరెక్టర్‌ సందీప్‌ శాండిల్య ‘యువ లిమిట్‌లెస్‌’ పాడ్‌కాస్ట్‌లో మాట్లాడినట్టు యాంటీ నార్కోటిక్‌ బ్యూరో ఎక్స్‌ వేదికగా తెలియజేసింది. ఎన్‌సీసీ ఏపీ, తెలంగాణ డైరెక్టరేట్‌ ‘యువ లిమిట్‌లెస్‌’ అనే పాడ్‌కాస్ట్‌ను నిర్వహిస్తున్నది. ఈ కార్యక్రమంలో డ్రగ్స్‌ దుష్పరిణామాలపై విస్తృతంగా చర్చించామని టీన్యాబ్‌ డైరెక్టర్‌ సందీప్‌ శాండిల్య తెలిపారు. మాదక ద్రవ్యాల కు వ్యతిరేకంగా పోరాడేందుకు యువతను ప్రోత్సహించేలా సందీప్‌ శాండిల్య మాట్లాడారని ఎన్‌సీసీ డైరెక్టరేట్‌ కొనియాడింది.