హైదరాబాద్, ఆగస్టు 10 (నమస్తే తెలంగాణ): రాష్ట్రంలో వచ్చే రెండేండ్ల కాల పరిమితి (2023-25)కి మద్యం దుకాణాల కొత్త లైసెన్సుల కోసం అన్ని జిల్లాల వారీగా దరఖాస్తులు విరివిగా వస్తున్నాయి. ఈ నెల 4 నుంచి 10 వరకు 6,913 దరఖాస్తులు వచ్చినట్లు ఎక్సైజ్ అధికారులు తెలిపారు. గ్రేటర్ హైదరాబాద్ పరిధిలోని మద్యం దుకాణాలకు డిమాండ్ ఎక్కువగా ఉంది.
రాష్ట్రవ్యాప్తంగా గురువారం ఒక్కరోజే 3,140 దరఖాస్తులు రాగా, వీటిలో హైదారాబాద్ పరిధి దరఖాస్తుల సంఖ్య 1,124. ఈ నెల 18న సాయంత్రం 6 గంటలకు దరఖాస్తుల స్వీకరణ ప్రక్రియ ముగియనున్నది. అనంతరం 21న లాటరీ నిర్వహించి దుకాణాలు కేటాయిస్తారు. మొత్తం 2,620 మద్యం దుకాణాల్లో 1,834 ఓపెన్ క్యాటగిరీ షాపులు కాగా, 786 రిజర్వ్డ్ షాప్లు.