MLA Sanjay Kumar | దివ్యాంగులకు అన్ని విధాలుగా అండగా ఉంటాం : ఎమ్మెల్యే సంజయ్‌ కుమార్‌

MLA Sanjay Kumar | దివ్యాగుల(Disabled) సంక్షేమం కోసం బీఆర్‌ఎస్‌ ప్రభుత్వం ఎంతో కృషి చేసిందని, దివ్యాంగుల కోసం కేసీఆర్‌ దేశంలో ఎక్కడా లేని విధంగా పెన్షన్‌ను అందజేశారని జగిత్యాల (Jagithyala) ఎమ్మెల్యే డా. సంజయ్‌ కుమార్‌(MLA Sanjay Kumar) అన్నారు. జగిత్యాల పట్టణం వివేకానంద మినీ స్టేడియంలో మహిళలు, పిల్లలు, దివ్యాంగులు, వయో వృద్ధుల సంక్షేమ శాఖ జిల్లా ఆధ్వర్యంలో అంతర్జాతీయ దివ్యాంగుల దినోత్సవం సందర్భంగా రక్తదాన శిబిరం, క్రీడా పోటీలు నిర్వహించారు.

జగిత్యాల : దివ్యాగుల(Disabled) సంక్షేమం కోసం బీఆర్‌ఎస్‌ ప్రభుత్వం ఎంతో కృషి చేసిందని, దివ్యాంగుల కోసం కేసీఆర్‌ దేశంలో ఎక్కడా లేని విధంగా పెన్షన్‌ను అందజేశారని జగిత్యాల (Jagithyala) ఎమ్మెల్యే డా. సంజయ్‌ కుమార్‌(MLA Sanjay Kumar) అన్నారు. జగిత్యాల పట్టణం వివేకానంద మినీ స్టేడియంలో మహిళలు, పిల్లలు, దివ్యాంగులు, వయో వృద్ధుల సంక్షేమ శాఖ జిల్లా ఆధ్వర్యంలో అంతర్జాతీయ దివ్యాంగుల దినోత్సవం సందర్భంగా రక్తదాన శిబిరం, క్రీడా పోటీలు నిర్వహించారు. ఈ కార్యక్రమానకి హాజరైన ఎమ్మెల్యే క్రీడల్లో ప్రతిభ కనబరిచిన దివ్యాంగులకు బహుమతుల ప్రదానం చేశారు.

ఈ సందర్భంగా ఆయన మాట్లాడుతూ..కుటుంబంలో మానసిక, అంగవైకల్యం ఉంటే ఆ కుటుంబం అంతా ఇబ్బంది పడుతుందన్నారు. తెలంగాణ ప్రభుత్వం దివ్యాంగులకు రూ.2 లక్షల వరకు లోను ఇస్తుందని తెలిపారు. ప్రతి పక్షంలో ఉన్నా ప్రజల పక్షాన, దివ్యాంగుల పక్షాన పోరాడుతామన్నారు. సదరం క్యాంప్ ఏర్పాటు చేసి ధృవ పత్రాలు లేని వారికి ఇప్పించే భాధ్యత తీసుకుంటామన్నారు. దివ్యాంగులకు అన్ని విధాలుగా అండగా ఉంటామని హామీ ఇచ్చారు. ఈ కార్యక్రమంలో జిల్లా అదనపు కలెక్టర్ బీఎస్ లత, సంక్షేమ అధికారి నర్సయ్య, స్థానిక కౌన్సిలర్ చుక్క నవీన్, రోటరీ క్లబ్ సభ్యుడు సిరిసిల్ల శ్రీనివాస్, తదితరులు పాల్గొన్నారు.