సోషల్‌ మీడియాకు పెరిగిన క్రేజ్‌: కోమటిరెడ్డి
మీడియా మాధ్యమాలతోపాటు సోషల్‌ మీడియాకూ ఎంతో క్రేజ్‌ పెరిగిందని సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి చెప్పారు.
హైదరాబాద్‌ సిటీబ్యూరో, ఫిబ్రవరి 17 (నమస్తే తెలంగాణ): మీడియా మాధ్యమాలతోపాటు సోషల్‌ మీడియాకూ ఎంతో క్రేజ్‌ పెరిగిందని సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి చెప్పారు. హైదరాబాద్‌ టీ హబ్‌లో శనివారం జరిగిన టీఎస్‌ఎఫ్‌ఏ డిజిటల్‌ అవార్డ్స్‌-2023 ప్రదానోత్సవానికి ఆయన ముఖ్య అతిథిగా హాజరయ్యారు. అనంతరం తెలంగాణ, ఆంధ్రప్రదేశ్‌ రాష్ర్టాలకు చెందిన షార్ట్‌ ఫిల్మ్‌ల విజేతలకు అవార్డులను ప్రదానం చేశారు. ఈ సందర్భంగా తెలుగు స్టేట్‌ ఫిల్మ్‌ అవార్డ్స్‌ పోస్టర్‌ను ఆవిష్కరించారు. నేటి యువతను స్టార్స్‌గా తయారు చేయడంలో సోషల్‌ మీడియా గొప్ప పాత్ర పోషిస్తున్నదని కోమటిరెడ్డి తెలిపారు. దానిద్వారా స్వయం ఉపాది కూడా పొందుతున్నారని వివరించారు.
Read Today's Latest Telangana News in Telugu and Telugu News
- Follow Us :
-
