Visit:
వరంగల్‌/కాజీపేట, నవంబర్‌ 29 : దక్షిణ భారతదేశ కుంభమేళాగా పిలుచుకునే మేడారం మహాజాతరకు జాతీయ హోదా ఇవ్వడం కుదరదని కేంద్ర మంత్రి కిషన్‌రెడ్డి స్పష్టంచేశారు. దేశంలో ఏ ఉత్సవానికి కూడా జాతీ య హోదా లేదని, మేడారానికి కూడా ఇవ్వలేమని పేర్కొన్నారు. శనివారం వరంగల్‌ పర్యటనకు వచ్చిన ఆయన హనుమకొండలోని హరిత హోటల్‌లో మీడియాతో మాట్లాడారు.
వచ్చే ఫిబ్రవరిలో జరిగే మేడారం జాతరకు గతంలో మాదిరిగానే ట్రైబల్‌, పర్యాటక శాఖలతో చర్చించి అధిక నిధులు మంజూరుకు కృషి చేస్తానని హామీ ఇచ్చారు. బీసీలకు 42 శాతం రిజర్వేషన్ల హామీ బీజేపీది కాదని, కాంగ్రెస్‌ పార్టీ ఇచ్చిందని పేర్కొన్నారు. కాజీపేటలో రైల్వే డివిజన్‌ ఏర్పాటు ప్రతిపాదన ఏదీ కేంద్ర ప్రభుత్వం వద్ద లేదని అన్నారు.
