BFSI | బీఎఫ్‌ఎస్‌ఐ కోర్సుతో కొలువు గ్యారెంటీ.. ఏటా 10వేల మందికి అవకాశం

కోర్సు పూర్తికాగానే జాబ్‌ గ్యారెంటీ కోర్సులను ఇప్పుడు డిగ్రీలో ప్రవేశపెడుతున్నారు. ఈ విద్యాసంవత్సరం బ్యాంకింగ్‌ ఫైనాన్షియల్‌ సర్వీసెస్‌ అండ్‌ ఇన్స్యూరెన్స్‌ (బీఎఫ్‌ఎస్‌ఐ)కోర్సును అందుబాటులోకి తెచ్చా రు.

• హెచ్‌ఎస్‌బీసీ, జేపీ మెర్గాన్‌ల్లో జాబ్స్‌
• డిగ్రీలో కొత్తగా బీఎఫ్‌ఎస్‌ఐ కోర్సు

BFSI | హైదరాబాద్‌, జూన్‌ 6 (నమస్తే తెలంగాణ): కోర్సు పూర్తికాగానే జాబ్‌ గ్యారెంటీ కోర్సులను ఇప్పుడు డిగ్రీలో ప్రవేశపెడుతున్నారు. ఈ విద్యాసంవత్సరం బ్యాంకింగ్‌ ఫైనాన్షియల్‌ సర్వీసెస్‌ అండ్‌ ఇన్స్యూరెన్స్‌ (బీఎఫ్‌ఎస్‌ఐ)కోర్సును అందుబాటులోకి తెచ్చా రు. డిగ్రీతోపాటు ఇంజినీరింగ్‌సహా ఎవరైనా ఈ కోర్సును తీసుకోవచ్చు.

ప్రస్తుతం ఇంజినీరింగ్‌లో ఈ ఏడాది 5 వేల మంది, ఇంజినీరింగేతర కోర్సుల్లో 5 వేల మందికి ప్రవేశాలు కల్పిస్తామని విద్యాశాఖ ప్రిన్సిపల్‌ సెక్రటరీ బుర్రా వెంకటేశం తెలిపారు. ఈ కోర్సు పూర్తిచేసినవారికి జేపీ మోర్గాన్‌, లండన్‌ స్టాక్‌ ఎక్సేంజ్‌, స్టేట్‌ స్ట్రీట్‌, హెచ్‌ఎస్‌బీసీ వంటి ప్రముఖ కంపెనీల్లో ఉద్యోగాలు లభిస్తాయని చెప్పారు. ఈ మేరకు ఇటీవలే ఆయా సంస్థలతో రాష్ట్ర ప్రభుత్వం ఎంవోయూ కుదుర్చుకున్నట్టు పేర్కొన్నారు.

బీఎఫ్‌ఎస్‌ఐ కోర్సు ప్రత్యేకతలు..

• ఈ కోర్సు కరిక్యులం, సిలబస్‌ను బీఎఫ్‌ఎస్‌ఐ కన్సార్షియం వారే రూపొందించి విద్యాశాఖ అధికారులకు అందించారు.
• నైపుణ్యాభివృద్ధి కోర్సుల్లో భాగంగా ఈ కోర్సును తీసుకోవచ్చు. రెగ్యులర్‌ డిగ్రీకి ఇది అదనం. ప్రతి సెమిస్టర్‌లో విద్యార్థి 16 క్రెడిట్స్‌ను సంపాదించాలి.
• కోర్సులో చేరినవారు బీఎఫ్‌ఎస్‌ఐ కన్సార్షియంలోని కంపెనీల్లో ఇంటర్న్‌షిప్‌/ అప్రెంటిస్‌షిప్‌ చేయాల్సి ఉంటుంది.
• ఈ కోర్సు చదివినవారిని ఆయా కంపెనీలే నేరుగా రిక్రూట్‌ చేసుకుంటాయి.
• కోర్సు సమయంలోనే కావాల్సిన శిక్షణనిస్తారు. ఉద్యోగంలో చేరిన తర్వాత ప్రత్యేకంగా శిక్షణ అవసరముండదు.