కొండగట్టులో భారీ అగ్ని ప్రమాదం.. భారీగా ఆస్తినష్టం

జగిత్యాల జిల్లా మల్యాల మండలం కొండగట్టు ఆలయ దిగువన శనివారం రాత్రి 11.30 గంటల ప్రాంతంలో ప్రమాదవశాత్తు అగ్ని ప్రమాదం సంభవించింది. జగిత్యాల-కరీంగనర్‌ ప్రధాన రహదారిపై గల కొండగట్టు ఆంజనేయ స్వామి ఆలయ దిగువన ఉన్న శ్రీనాథ్‌ రెసిడెన్సీ సముదాయంలోని దాదాపు 20 దుకాణాల్లో ప్లాస్టిక్‌, ఆట బొమ్మలకు మంటలు అంటుకోవడంతో భారీగా మంటలు ఎగిసిపడ్డాయి.

• దాదాపు 20 దుకాణాలు దగ్ధం

మల్యాల, నవంబర్‌ 29 : జగిత్యాల జిల్లా మల్యాల మండలం కొండగట్టు ఆలయ దిగువన శనివారం రాత్రి 11.30 గంటల ప్రాంతంలో ప్రమాదవశాత్తు అగ్ని ప్రమాదం సంభవించింది. జగిత్యాల-కరీంగనర్‌ ప్రధాన రహదారిపై గల కొండగట్టు ఆంజనేయ స్వామి ఆలయ దిగువన ఉన్న శ్రీనాథ్‌ రెసిడెన్సీ సముదాయంలోని దాదాపు 20 దుకాణాల్లో ప్లాస్టిక్‌, ఆట బొమ్మలకు మంటలు అంటుకోవడంతో భారీగా మంటలు ఎగిసిపడ్డాయి.

వెంటనే అధికారులు విద్యుత్తు సరఫరాను నిలిపివేశారు. పోలీస్‌ అధికారులు ఘటనా స్థలానికి చేరుకుని అగ్నిమాపకశాఖ సిబ్బందికి సమాచారం అందించారు. ఈ ఘటనకు సంబంధించి పూర్తి వివరాలు తెలియాల్సి ఉన్నది.