పెరోల్ ముగిసినా 20 మంది బయటే!
రాష్ట్రంలో జైళ్లశాఖపై నిఘా కరువైంది. చాలామంది అధికారులు ఉన్నతాధికారుల కండ్లుగప్పి సొంత ప్రయోజనాల కోసం వెంపర్లాడుతున్నారు. దీన్ని ఆసరాగా చేసుకుని దాదాపు 20 మంది ఖైదీలు పెరోల్ గడువు ముగిసినప్పటికీ బయట యథేచ్ఛగా తిరుగుతున్నారు.
- ‘రాంగ్ రిలీజ్’లపై జైళ్లశాఖలో తీవ్ర చర్చ
- అధికారుల నిర్లక్ష్యంపై డీజీ తీవ్ర ఆగ్రహం
హైదరాబాద్, ఆగస్టు 4 (నమస్తే తెలంగాణ): రాష్ట్రంలో జైళ్లశాఖపై నిఘా కరువైంది. చాలామంది అధికారులు ఉన్నతాధికారుల కండ్లుగప్పి సొంత ప్రయోజనాల కోసం వెంపర్లాడుతున్నారు. దీన్ని ఆసరాగా చేసుకుని దాదాపు 20 మంది ఖైదీలు పెరోల్ గడువు ముగిసినప్పటికీ బయట యథేచ్ఛగా తిరుగుతున్నారు. అయినా అధికారులకు చీమకుట్టినట్టు కూడా లేదని జైళ్లశాఖ డీజీ దృష్టికి వచ్చింది. దీంతో ఆయన అధికారుల నుంచి నివేదికలు తెప్పించుకోవడంతోపాటు సోమవారం ప్రత్యేక సమీక్ష నిర్వహించారు. అధికారుల అలసత్వం, జైళ్లలోని భద్రతా లోపాలపై డీజీ తీవ్ర ఆగ్రహం వ్యక్తం చేసినట్టు తెలిసింది. పెరోల్ ముగిసిన ఖైదీలను ఎందుకు అదుపులోకి తీసుకోవడం లేదని, వారిని జైళ్లకు తరలించకుండా ఎందుకు ఉదాసీనంగా వ్యవహరిస్తున్నారో చెప్పాలని నిలదీసినట్టు సమాచారం.
‘రాంగ్ రిలీజ్’లు జైళ్లకు మచ్చతెచ్చేలా ఉన్నాయని తీవ్రంగా స్పందించినట్టు వినికిడి. 2024 డిసెంబర్లో తప్పుడు పత్రాలు సమర్పించి జైలు నుంచి విడుదలైన ఫయాజ్ గురించి ఈ భేటీలో తీవ్ర చర్చ జరిగినట్టు తెలుస్తున్నది. పరకాల, చర్లప్లలిలో ఖైదీలు పరారవడం జైళ్లలో భద్రతను ప్రశ్నిస్తున్నాయని డీజీ ఆగ్రహం వ్యక్తం చేసినట్టు సమాచారం. దీనికి బాధ్యులైన ముగ్గురు సిబ్బందిని సస్పెండ్ చేసినప్పటికీ మిగతా సిబ్బందిలో మార్పు రావడం లేదని, ఇకనుంచి ఎలాంటి పొరపాట్లు జరిగినా తీవ్ర పరిణామాలు ఉంటాయని హెచ్చరించినట్టు తెలిసింది. జైళ్లలో భద్రతా ఏర్పాట్లపై వచ్చే నెలలో మరోసారి సమీక్ష నిర్వహిస్తానని, ఆ లోగా తప్పిదాలన్నీ సరిదిద్దుకోవడంతోపాటు పెరోల్ ముగిసిన వారందరినీ తిరిగి జైళ్లకు తరలించాలని ఆదేశించినట్టు వినికిడి. ఇక నుంచి జైళ్లలో ఏ అధికారి నిర్లక్ష్యంగా వ్యవహరించినా అప్పటికప్పుడే కఠిన చర్యలు చేపడుతానని డీజీ హెచ్చరించినట్టు విశ్వసనీయ సమాచారం.
Read Today's Latest Telangana News in Telugu and Telugu News
RELATED ARTICLES
తాజా వార్తలు
VishwakSen | సంస్కారం వయసుతో పాటు పెరగాలి.. సీనియర్ జర్నలిస్ట్ వ్యాఖ్యలపై విశ్వక్ సేన్ ఫైర్!
Liver Detox | లివర్ను క్లీన్ చేస్తాయని చెప్పే చిట్కాలు, ఉత్పత్తులను నమ్మవచ్చా.. కాఫీ ప్రభావం లివర్పై ఉంటుందా..?
TTD EO | శ్రీరంగం శ్రీ రంగనాథస్వామివారికి టీటీడీ ఈవో పట్టువస్త్రాల సమర్పణ
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

