తెలంగాణ ప్రగతికి ఐఆర్‌సీ వేదిక కావాలి: కోమటిరెడ్డి

ఈ నెల 19 నుంచి 22 వరకు హైదరాబాద్‌లోని హైటెక్స్‌లో నిర్వహించనున్న 85వ ఇండియన్‌ రోడ్స్‌ కాంగ్రెస్‌ (ఐఆర్‌సీ) గ్లోబల్‌ సమ్మిట్‌ తెలంగాణ ప్రగతికి వేదిక కావాలని మంత్రి కోమటిరెడ్డి చెప్పారు. సోమవారం సచివాలయంలో ఆర్‌అండ్‌బీ ఉన్నతాధికారులతో సమీక్ష నిర్వహించిన ఆయన సదస్సు ఏర్పాట్లపై చర్చించారు.

హైదరాబాద్‌, నవంబర్‌ 2 (నమస్తే తెలంగాణ): ఈ నెల 19 నుంచి 22 వరకు హైదరాబాద్‌లోని హైటెక్స్‌లో నిర్వహించనున్న 85వ ఇండియన్‌ రోడ్స్‌ కాంగ్రెస్‌ (ఐఆర్‌సీ) గ్లోబల్‌ సమ్మిట్‌ తెలంగాణ ప్రగతికి వేదిక కావాలని మంత్రి కోమటిరెడ్డి చెప్పారు. సోమవారం సచివాలయంలో ఆర్‌అండ్‌బీ ఉన్నతాధికారులతో సమీక్ష నిర్వహించిన ఆయన సదస్సు ఏర్పాట్లపై చర్చించారు. 19న కేంద్రమంత్రి నితిన్‌ గడరీ, ముఖ్యమంత్రి రేవంత్‌ రెడ్డి చేతుల మీదుగా ప్రారంభం కానున్న ఈ సదస్సులో కేంద్ర, రాష్ట్రాల మంత్రులు, అంతర్జాతీయ డెలిగేట్లు, ఇంజినీరింగ్‌ నిపుణులు పాల్గొంటారని మంత్రి వెల్లడించారు.

రాష్ట్ర రోడ్‌ నెట్‌వర్‌, రైల్వే ప్రాజెక్టులపై కీలక ప్రకటనలు వెలువడనున్నాయని, ఇది తెలంగాణ అభివృద్ధిలో మైలురాయిగా నిలువనున్నదని ఆశాభావం వ్యక్తం చేశారు. డిసెంబర్‌లో భారత్‌ ఫ్యూచర్‌ సిటీలో జరుగనున్న ‘ఇన్వెస్ట్‌ తెలంగాణ’ గ్లోబల్‌ సమ్మిట్‌కు ఐఆర్‌సీ ప్రీ-సమ్మిట్‌గా నిలవాలని మంత్రి సూచించారు. సమీక్షలో ఆర్‌అండ్‌బీ శాఖ కార్యదర్శి ఇలంబర్తి, స్పెషల్‌ సెక్రటరీ గంగాధర్‌, మోర్త్‌, ఎన్‌హెచ్‌ఏఐ రీజినల్‌ అధికారులు, చీఫ్‌ ఇంజినీర్లు పాల్గొన్నారు.