సెంటర్‌ ఆఫ్‌ ఎక్స్‌లెన్స్‌ -స్కిల్స్‌ సంస్థగా ‘మేనేజ్‌’

హైదరాబాద్‌లోని జాతీయ వ్యవసాయ విస్తరణ నిర్వహణ సంస్థ ‘మేనేజ్‌' కు కేంద్ర ప్రభుత్వం నుంచి మరో గుర్తింపు లభించింది. కేంద్ర నైపుణ్యాభివృద్ధి, పారిశ్రామికవేత్తల మంత్రిత్వశాఖ ఎంఎస్‌డీఈ వ్యవసాయ రంగంలో సెంటర్‌ ఆఫ్‌ ఎక్స్‌లెన్స్‌-సిల్స్‌గా ఈ సంస్థను గుర్తించింది.

• మూడేండ్లపాటు అమల్లో ఉండనున్న గుర్తింపు

హైదరాబాద్‌, నవంబర్‌ 5 (నమస్తే తెలంగాణ): హైదరాబాద్‌లోని జాతీయ వ్యవసాయ విస్తరణ నిర్వహణ సంస్థ ‘మేనేజ్‌’ కు కేంద్ర ప్రభుత్వం నుంచి మరో గుర్తింపు లభించింది. కేంద్ర నైపుణ్యాభివృద్ధి, పారిశ్రామికవేత్తల మంత్రిత్వశాఖ ఎంఎస్‌డీఈ వ్యవసాయ రంగంలో సెంటర్‌ ఆఫ్‌ ఎక్స్‌లెన్స్‌-సిల్స్‌గా ఈ సంస్థను గుర్తించింది.

ఢిల్లీలోని కౌశల్‌భవన్‌లో నిర్వహించిన కార్యక్రమంలో కేంద్ర నైపుణ్యాభివృద్ధిశాఖ కార్యదర్శి దేబశ్రీ ముఖర్జీ, మేనేజ్‌ డైరెక్టర్‌ జనరల్‌ సంజయ్‌కుమార్‌ అగర్వాల్‌కు గుర్తింపు పత్రాన్ని అందజేశారు. ఈ గుర్తింపు మూడేండ్లపాటు అమల్లో ఉంటుంది. 1987లో కేంద్ర వ్యవసాయ, రైతుసంక్షేమ మంత్రిత్వశాఖ ఆధ్వర్యంలో ఏర్పాటైన మేనేజ్‌ దేశంలో వ్యవసాయ విస్తరణ వ్యవస్థను బలోపేతం చేయడమే ప్రధాన లక్ష్యంగా పనిచేస్తున్నది.