Visit:
హైదరాబాద్‌, మార్చి 22(నమస్తే తెలంగాణ): మూడేండ్ల క్రితం మంత్రి కేటీఆర్‌ సాయంతో గుండె ఆపరేషన్‌ చేయించుకొన్న జనగామ జిల్లాకు చెందిన పృథ్వీరాజ్‌ మంగళవారం మూడో పుట్టినరోజు చేసుకొన్నాడు. ఈ సందర్భంగా పృథ్వీరాజ్‌ తండ్రి శంకర్‌నాయక్‌ “కేటీఆర్‌ సార్‌ మీరు సాయం చేసిన నా కొడుకు కొర్ర పృథ్వీరాజ్‌ చౌహన్‌ 3వ పుట్టినరోజు. మీ దీవెనలు అందించండి. ఇప్పుడు పూర్తిఆరోగ్యంగా ఉన్నాడు. ఇలాగే నిండు నూరేండ్లు ఉండాలని కోరుకుంటున్న’ అని ట్వీట్‌ చేశాడు. దీనికి స్పందించిన మంత్రి కేటీఆర్‌ ‘హ్యాపీ బర్త్‌డే పృథ్వీరాజ్‌’ అని ట్వీట్‌ చేశారు.
