గాంధీ చిత్రానికి విశేష స్పందన

భారత స్వాతంత్య్ర వజ్రోత్సవాల ముగింపు సందర్భంగా రాష్ట్రవ్యాప్తంగా ఉచితంగా ప్రదర్శితమవుతున్న గాంధీ చలనచిత్రానికి విశేష స్పందన లభిస్తున్నదని సమాచార పౌర సంబంధాల శాఖ స్పెషల్‌ కమిషనర్‌ అశోక్‌రెడ్డి గురువారం ఒక ప్రకటనలో తెలిపారు. సీఎం కేసీఆర్‌ ఆదేశాల మేరకు ఈ నెల 14న ప్రారంభమైన ఈ ప్రదర్శనలు 24 వరకు కొనసాగుతాయని పేర్కొన్నారు.

హైదరాబాద్‌, ఆగస్టు 17 (నమస్తే తెలంగాణ): భారత స్వాతంత్య్ర వజ్రోత్సవాల ముగింపు సందర్భంగా రాష్ట్రవ్యాప్తంగా ఉచితంగా ప్రదర్శితమవుతున్న గాంధీ చలనచిత్రానికి విశేష స్పందన లభిస్తున్నదని సమాచార పౌర సంబంధాల శాఖ స్పెషల్‌ కమిషనర్‌ అశోక్‌రెడ్డి గురువారం ఒక ప్రకటనలో తెలిపారు. సీఎం కేసీఆర్‌ ఆదేశాల మేరకు ఈ నెల 14న ప్రారంభమైన ఈ ప్రదర్శనలు 24 వరకు కొనసాగుతాయని పేర్కొన్నారు. గురువారం వరకు రాష్ట్రవ్యాప్తంగా 507 ప్రదర్శనలు నిర్వహించగా 2,06,220 మంది వీక్షించారని తెలిపారు. ప్రజల నుంచి విశేష ఆదరణ ఉన్నందున విద్యార్థులకే కాకుండా సామాన్య ప్రేక్షకులకూ ఉచితంగా అనుమతిస్తున్నారని పేర్కొన్నారు. ఈ చిత్రాన్ని ఉదయం 10 నుంచి మధ్యాహ్నం ఒంటిగంట వరకు ప్రదర్శిస్తున్నారు.