Arya Janani | కన్నుల పండువ‌గా ఆర్య జనని వార్షికోత్సవం !

Arya Janani | పిల్ల‌ల‌కు త‌ల్లిదండ్రులే ఆద‌ర్శ‌మూర్తుల‌ని, వారి ప్ర‌వ‌ర్త‌న‌తోనే పిల్ల‌లు అన్ని విష‌యాలు నేర్చుకుంటార‌ని రామ‌కృష్ణ మ‌ఠం అధ్య‌క్షుడు స్వామి బోధ‌మ‌యానంద చెప్పారు. ఆదివారం రామ‌కృష్ణ మ‌ఠంలో క‌న్నుల పండువ‌గా ఆర్య జ‌న‌ని వార్షికోత్స‌వ వేడుక‌లు జ‌రిగాయి.

Arya Janani |  పిల్లలకు తల్లిదండ్రులే ఆదర్శమూర్తులని రామకృష్ణ మఠం అధ్యక్షులు స్వామి బోధమయానంద చెప్పారు. తల్లిదండ్రుల ప్రవర్తనను చూసి పిల్లలు అన్ని విషయాలు నేర్చుకుంటారని ఆయ‌న పేర్కొన్నారు. హైదరాబాద్ రామకృష్ణ మఠం వివేకానంద ఆడిటోరియంలో ఆర్య జనని ఐదో వార్షికోత్సవ వేడుకల్లో ఆయన ప్రసంగిస్తూ.. ధర్మాచరణలో మంచితనంపై సంపూర్ణ విశ్వాసం ఉండాలన్నారు. సంకుచిత స్వభావాలు వీడి ఆధ్యాత్మికతపై మరింత సానుకూల వాతావరణం ఏర్పరచుకోవాలని స్వామి బోధమయానంద సూచించారు. ఆర్య జనని కార్యక్రమాల వ్యాప్తి గ్రామీణ ప్రాంతాలకు కూడా చేరాలని ఆయన సూచించారు.

ఆర్యజనని రూపకర్త, వివేకానంద ఇన్‌స్టిట్యూట్ ఆఫ్ లాంగ్వేజెస్ డైరెక్టర్ స్వామి శితికంఠానంద మాట్లాడుతూ పిల్లలకు షరతులు లేని ప్రేమను అందించాలన్నారు. ఆదర్శవంతమైన జీవనం గడిపిన స్వామి వివేకానంద, శ్రీ రామకృష్ణ పరమహంస, బుద్ధుడు, శంకరాచార్య, రమణ మహర్షి వంటి వారి జీవిత గాధలను పిల్లలకు పరిచయం చేయాలన్నారు. సత్ సంతానం కోసం గర్భిణులకు ఒత్తిడి లేని వాతావరణం కల్పించాలని సూచించారు. ఆర్య జనని ఆధ్వ‌ర్యంలో నిర్వ‌హించే వర్క్ షాప్‌ల‌కు హాజరు కావడం ద్వారా ఉత్తమ భవిష్యత్ తరాలను అందించవచ్చున‌న్నారు. ప్రార్థనలకు ప్రాధాన్యం ఇవ్వాలని చెప్పారు.