వేదాలు భారతీయ సంస్కృతికి ప్రాణం

వేద జ్ఞానమే భారతీయ నాగరికత, సంస్కృతులకు మూలధారమని గవర్నర్‌ శివప్రతాప్‌ శుక్లా పేర్కొన్నారు. శనివారం యాదగిరిగుట్ట శ్రీలక్ష్మీనరసింహస్వామిని మంత్రి శ్రీధర్‌ బాబు, ప్రభుత్వవిప్‌ బీర్ల అయిలయ్య తో కలిసి గవర్నర్‌ దంపతులు దర్శించుకుని, ప్రత్యేక పూజలు జరిపారు.

• గవర్నర్‌ శివ ప్రతాప్‌ శుక్లా
• యాదగిరిగుట్టలో 26వ తెలంగాణ వేద విద్వన్మమహాసభ

యాదగిరిగుట్ట, అక్టోబర్‌31: వేద జ్ఞానమే భారతీయ నాగరికత, సంస్కృతులకు మూలధారమని గవర్నర్‌ శివప్రతాప్‌ శుక్లా పేర్కొన్నారు. శనివారం యాదగిరిగుట్ట శ్రీలక్ష్మీనరసింహస్వామిని మంత్రి శ్రీధర్‌ బాబు, ప్రభుత్వవిప్‌ బీర్ల అయిలయ్య తో కలిసి గవర్నర్‌ దంపతులు దర్శించుకుని, ప్రత్యేక పూజలు జరిపారు. యాదగిరిగుట్ట శ్రీలక్ష్మీనరసింహస్వామి, తిరుమల తిరుపతి దేవస్థానం సౌజన్యంతో నిర్వహించిన 26వ తెలంగాణ వేద విద్వన్మహాసభల్లో గవర్నర్‌ ముఖ్య అతిథిగా పాల్గొన్నారు.

అనంతరం ప్రెసిడెన్సియల్‌ సూట్‌లో మీడియా సమావేశంలో మాట్లాడారు. తరతరాలుగా వేదాలను పరిరక్షిస్తూ వస్తున్న గురు- శిష్య పరంపర భారతీయ సంస్కృతిలో అత్యంత విశిష్టమైనదని కొనియాడారు. వేద పరీక్షల్లో పాల్గొంటున్న 500 మందికి పైగా విద్యార్థులకు శుభాకాంక్షలు తెలిపారు. జయప్రతాలు అందుకున్న 10 మంది వేద విద్వాంసులను ప్రత్యేకంగా అభినందించారు. వేద విద్యాసంస్థలు, విద్యుత్‌ సభలు, గురుకులాలకు మరింత ప్రోత్సాహం అందించాలని పిలుపునిచ్చారు. ఈ సందర్భంగా యాదగిరిగుట్ట దేవస్థానం రూపొందించిన 2027 నూతన క్యాలెండర్‌ను ఆవిష్కరించారు.