ప్రజల డిమాండ్‌ మేరకు పార్టీ పెట్టే యోచన

ప్రజా సమస్యలపై పోరాటమే తమ పంథా అని మావోయిస్ట్‌ పార్టీ మాజీ అగ్రనేత తిప్పిరి తిరుపతి అలియాస్‌ దేవ్‌జీ పేర్కొన్నారు. మంగళవారం స్వగ్రామమైన జగిత్యాల జిల్లా కోరుట్లకు వచ్చిన దేవ్‌జీ తనను కలిసిన విలేకరులతో ముచ్చటించారు. దేశంలో ‘సర్‌' పేరు తో బీజేపీ సర్కార్‌ ప్రజలను విడదీస్తున్నదని చెప్పారు. అగ్రవర్ణాలకు కొమ్ముకాస్తూ, పార్టీకి వ్యతిరేకంగా ఓట్లు వేసే కులాల జాబితాను రూపొందిం చి పకడ్బందీ గా ఓట్‌ చోరీ కి పాల్పడుతున్నదని ఆరోపించారు.

• ‘సర్‌’ పేరుతో బీజేపీ సర్కార్‌ ప్రజలను విడదీస్తున్నది
• కోరుట్లలో మావోయిస్ట్‌ పార్టీ మాజీ అగ్రనేత దేవ్‌జీ వెల్లడి

కోరుట్ల, అక్టోబర్‌ 21: ప్రజా సమస్యలపై పోరాటమే తమ పంథా అని మావోయిస్ట్‌ పార్టీ మాజీ అగ్రనేత తిప్పిరి తిరుపతి అలియాస్‌ దేవ్‌జీ పేర్కొన్నారు. మంగళవారం స్వగ్రామమైన జగిత్యాల జిల్లా కోరుట్లకు వచ్చిన దేవ్‌జీ తనను కలిసిన విలేకరులతో ముచ్చటించారు. దేశంలో ‘సర్‌’ పేరు తో బీజేపీ సర్కార్‌ ప్రజలను విడదీస్తున్నదని చెప్పారు. అగ్రవర్ణాలకు కొమ్ముకాస్తూ, పార్టీకి వ్యతిరేకంగా ఓట్లు వేసే కులాల జాబితాను రూపొందిం చి పకడ్బందీ గా ఓట్‌ చోరీ కి పాల్పడుతున్నదని ఆరోపించారు.

మాజీ మావోయిస్టులకు ఏ పార్టీతో సంబంధం లేదని స్పష్టంచేసిన ఆయన.. మాజీ మావోయిస్టులు చీలిపోకుండా ప్రజా సమస్యలే ఎజెండాగా ఓ కమిటీగా ఏర్పడేందుకు కృషి చేస్తున్నామని చెప్పారు. సంస్థను స్థాపించి ప్రజల డిమాండ్‌ మేరకు పార్టీ ఏర్పాటుకు అవకాశాలు ఉండవచ్చని తెలిపారు. రాష్ట్రంలో పంటల సాగుకు నీరు లేక రైతులు తీవ్ర ఇబ్బందులు పడుతున్నారని పేర్కొన్నారు.