4.4.2021 నుంచి 10.4.2021 వరకు
మేషం
ప్రారంభించిన పనులు అనుకున్న సమయంలో పూర్తవుతాయి. గురురాశి మార్పు బాగా కలిసివస్తుంది. వృత్తి, వ్యాపారాలలో అనుకూలత ఉంటుంది. కొత్త పనులు ప్రారంభించే ముందు జాగ్రత్తలు తీసుకోవడం మంచిది. వివాదాల్లోకి వెళ్లకుండా ఆలోచించి పనులు పూర్తి చేసుకుంటారు. గృహ నిర్మాణం, భూములు, వస్త్ర, వస్తువుల కొనుగోలుకు అనుకూలమైన వారం. నలుగురిలో గౌరవ మర్యాదలు లభిస్తాయి. శుభకార్య ప్రయత్నాలు బాగా కలిసివస్తాయి. ఆఫీసులో తోటి ఉద్యోగులతో చిన్నపాటి మనస్పర్ధలున్నా అధికారుల సహకారం ఉంటుంది. పనులు పూర్తి చేయడంతో మంచిపేరు సంపాదిస్తారు. రావలసిన డబ్బు చేతికి అందడంతో బకాయిలు చెల్లిస్తారు.
వృషభం
ఉద్యోగస్తులు సంతృప్తిగా ఉంటారు. అధికారులు, తోటి ఉద్యోగులతో సంబంధాలు పెంపొందుతాయి. ఆఫీసులో అందరి మన్ననలనూ పొందుతారు. అనవసరమైన ప్రయాణాలను వాయిదా వేసుకుంటారు. పిల్లల చదువుకు అనుకూలమైన వారం. శుభకార్య ప్రయత్నాలు కలిసివస్తాయి. అన్వేషణలో ఉన్నవారికి ఉద్యోగం లభిస్తుంది. ప్రారంభించిన పనులు పూర్తి చేస్తారు. కర్తవ్యాలను సహనంతో నిర్వహిస్తారు. అనుకూల ఫలితాలు పొందుతారు. అనవసర ఆలోచనలవల్ల కొన్ని ఇబ్బందులు ఎదురుకావచ్చు. జాగ్రత్తగా పరిష్కరించుకోవాలి. ఆత్మీయులు, స్నేహితులతో వివాదాలు ఏర్పడవచ్చు. ఆరోగ్యంపై శ్రద్ధ చూపుతారు. ఆలోచనలను సమయానుకూలంగా ఆచరణలో పెడతారు.
మిథునం
గురురాశి మార్పు కొంత అనుకూలిస్తుంది. శుభకార్య ప్రయత్నాలు కలిసివస్తాయి. ఉన్నత విద్యకు అనుకూలం. ఉద్యోగ ప్రయత్నాలలో ఉన్నవారికి కొలువు లభిస్తుంది. సంతృప్తిగా ఉంటారు. కొత్త పనులు ప్రారంభించడానికి అనుకూలమైన వారం. వ్యాపార విస్తరణకోసం ఒప్పందాలు చేసుకుంటారు. నిత్య వ్యాపారం అనుకూలిస్తుంది. ఆర్థిక సమస్య, వృథా ఖర్చులు ఉన్నా అదృష్టం కలిసివస్తుంది. తలపెట్టిన పనులు సకాలంలో పూర్తవుతాయి. కుటుంబపెద్దల సహకారం లభిస్తుంది. భార్యాపిల్లలతో తృప్తిగా ఉంటారు. కొత్త పరిచయాలు ఏర్పడతాయి. తద్వారా అనుకోని వ్యయాలు పెరుగవచ్చు. వాహనాలవల్ల ఖర్చులు ఉంటాయి. రావలసిన డబ్బు అందక పోవడంతో కొన్ని పనులు వాయిదా పడతాయి.
కర్కాటకం
పూర్వంతో పోలిస్తే ప్రయాణాలు అనుకూలిస్తాయి. స్నేహితులు, బంధువులతో కార్యసాఫల్యం ఉంటుంది. గురురాశి మార్పు మూలంగా పనులలో ఆటంకాలు, ఇబ్బందులు ఉండవచ్చు. కొంత ఓపికతో పనులు చేసుకోవడం వల్ల వాటిని అధిగమించే అవకాశం ఉంది. భూములు, గృహ నిర్మాణం వంటి వ్యాపారాలలో ఉన్నవారికి అనుకూలంగా ఉంటుంది. పారిశ్రామికవేత్తలకు కలిసివస్తుంది. వ్యవసాయదారులకు పనివారితో అనుకూలత. డబ్బు చేతికి అందుతుంది. ఆర్థిక సమస్యలు తీరుతాయి. నలుగురిలో మంచిపేరు ఉండటం వల్ల కొన్ని పనులు కలిసి వస్తాయి.
సింహం
ప్రారంభించిన పనులు సకాలంలో పూర్తవుతాయి. గురురాశి మార్పు అనుకూలిస్తుంది. కొత్త వ్యాపారం ప్రారంభించే అవకాశం ఉంది. ఒప్పందాలు చేసుకుంటారు. మంచి ఆలోచనలు వస్తాయి. వాటిని సరైన సమయంలో సద్వినియోగ పరచుకుంటారు. ప్రయత్నాలు ఫలించి శుభకార్యాలు చేస్తారు. వివాదాలకు దూరంగా ఉండటం మంచిది. నూతన వ్యక్తులతో పరిచయాలు కొంతవరకు లాభించినా అప్రమత్తంగా ఉండటం మంచిది. వృత్తి, వ్యాపారాలు కలిసివస్తాయి. ఏకాగ్రతతో పనులు చేస్తారు. రావలసిన డబ్బు చేతికి అందుతుంది. సంతృప్తిగా ఉంటారు. ఉత్సాహంతో పనులు చేస్తారు. ఆరోగ్యం పట్ల జాగ్రత్త అవసరం.
కన్య
ఆదాయం స్థిరంగా ఉండి, క్రమేపీ పెరుగుతుంది. సంతృప్తిగా ఉంటారు. ప్రారంభించిన పనులలో జాప్యం ఉండవచ్చు. వాహనాలవల్ల పనులు అనుకూలిస్తాయి. శుభకార్య ప్రయత్నాలు నలుగురి సహకారంతో ముందుకు సాగుతాయి. శుభకార్యాలు చేస్తారు. నిత్య వ్యాపారం కలిసివస్తుంది. విందులు, వినోదాలవల్ల ఖర్చులు ఉండవచ్చు. కొత్త వ్యక్తులతో పరిచయాలు ఏర్పడతాయి. కొంత అప్రమత్తత అవసరం. ఉద్యోగస్తులు ఆఫీసులో అధికారులు, తోటివారితో స్నేహంగా ఉంటూ, పనులు పూర్తి చేసుకోవడంపై మనసు నిలపాలి. వివాదాల్లోకి వెళ్లకుండా పనులపై శ్రద్ధ చూపడం అవసరం. ప్రయాణాలు కలిసివస్తాయి. ఆరోగ్యంపై శ్రద్ధ చూపుతారు. ఉత్సాహంతో పనులు చేస్తారు.
తుల
ఈ వారం గురురాశి మార్పు కొంత ఊరటను ఇస్తుంది. కొన్ని విషయాలలో అనుకూలత ఉంటుంది. పూర్వంతో పోల్చితే అన్ని విధాలుగా సంతృప్తిగా ఉంటారు. ఉద్యోగ ప్రయత్నాలు కలిసివస్తాయి. ఆఫీసులో అందరితోనూ కలిసిమెలిసి ఉత్సాహంతో పనులు చేస్తారు. ఆదాయంలో అస్థిరత ఉన్నా పనులు పూర్తవుతాయి. పిల్లల చదువు విషయం కలిసి వస్తుంది. ఉన్నత విద్యా ప్రయత్నాలు ఫలిస్తాయి. వాహనాలవల్ల ఖర్చులు పెరుగుతాయి. భూముల తగాదాలు ఈ వారం పరిష్కారమవుతాయి. ఆర్థిక సమస్యలవల్ల కొన్ని పనులు వాయిదా పడవచ్చు. ఇంటికి కావలసిన వస్తువులను కొనుగోలు చేస్తారు. బరువు, బాధ్యతలు పెరుగుతాయి. వ్యాపారస్తులకు సిబ్బందితో ఇబ్బందులు ఉండవచ్చు.
వృశ్చికం
ఆదాయం స్థిరంగా ఉంటుంది. సంతృప్తిగా ఉంటారు. పెద్దల సహాయ సహకారాలు లభిస్తాయి. భార్యాపిల్లలతో సంతృప్తిగా ఉంటారు. సంగీత, సాహిత్య, సినిమా రంగాలలోని వారికి ఆదాయం పెరుగుతుంది. మంచి అవకాశాలు వస్తాయి. ప్రారంభించిన పనులలో జాప్యం, అస్థిరత ఉండవచ్చు. వివాహాది శుభకార్య ప్రయత్నాలు పెద్దల సహకారంతో ముందుకు సాగుతాయి. విద్యార్థులు ఏకాగ్రత, పట్టుదలతో చదివితే మంచి ఫలితాలు పొందుతారు. రాజకీయ, కోర్టు, ప్రభుత్వ వ్యవహారాలు అనుకూలిస్తాయి. నిత్య వ్యాపారం అనుకూలంగా ఉన్నా పనిభారం పెరగడంతో కొంత ఇబ్బందిని ఎదుర్కోవలసి రావచ్చు.
ధనుస్సు
స్నేహితులు, బంధువులతో సత్సంబంధాలు, కొత్త పరిచయాలతో సంతృప్తి, కార్య సాఫల్యత ఉంటాయి. గురురాశి మార్పువల్ల ప్రారంభించిన పనులలో ఆలస్యం ఉండవచ్చు. సంయమనంతో పనులు చేసుకోవడం అవసరం. నిత్య వ్యాపారం అనుకూలిస్తుంది. ఇంటాబయటా సంతృప్తిగా ఉంటారు. నలుగురి సహాయంతో పనులు పూర్తి చేస్తారు. ఉద్యోగ ప్రయత్నాలు తాత్కాలికంగా ఫలిస్తాయి. ఉద్యోగస్తులకు ఆఫీసులో తోటివారితో అనవసరమైన చర్చలవల్ల కొన్ని ఇబ్బందులు రావచ్చు. పనులపై మనసు నిలుపడం ఉత్తమం. కొత్త పెట్టుబడులను వాయిదా వేసుకోవడం, ప్రారంభించిన పనులను పూర్తి చేయడంపై శ్రద్ధ చూపడం మంచిది. కళాకారులకు, రచయితలకు కొత్త అవకాశాలు వస్తాయి.
మకరం
పూర్వంతో పోల్చిన గురురాశి మార్పు సంతృప్తిగా ఉంటుంది. పనులు కలిసివస్తాయి. శుభకార్య ప్రయత్నాలలో అనుకూల ఫలితాలు ఉంటాయి. ఉద్యోగస్తులకు ఆఫీసులో అధికారులు, తోటి ఉద్యోగులతో సత్సంబంధాలు ఉంటాయి. వ్యాపారం అనుకూలిస్తుంది. భార్యాపిల్లలతో సంతృప్తిగా ఉంటారు. పారిశ్రామికవేత్తలకు సిబ్బందితో కొన్ని ఇబ్బందులు ఎదురైనా పనులు సంతృప్తికరంగానే పూర్తవుతాయి. రాజకీయ, కోర్టు, ప్రభుత్వపనులలో అనుకూల ఫలితాలు ఉంటాయి. సంతృప్తిగా ఉంటారు. ఇంటికి కావలసిన వస్త్ర, వస్తువులను కొంటారు. గౌరవ మర్యాదలు లభిస్తాయి. విందులు, వినోదాలకు హాజరవుతారు. వాహనాలవల్ల ఖర్చులు పెరుగుతాయి.
కుంభం
రోజువారీ పనులు సజావుగా కొనసాగుతాయి. వ్యాపారం లాభదాయకంగా ఉంటుంది. భార్యాపిల్లలతో సంతృప్తిగా ఉంటారు. గత పెట్టుబడులవల్ల ప్రతిఫలం ఉంటుంది. ఈ వారంలో గురురాశి మార్పు కొంత ప్రభావాన్ని చూపిస్తుంది. పనులపై శ్రద్ధ నిలుపడం అవసరం. ఖర్చులు ఉంటాయి. నియంత్రణ అవసరం. శుభకార్య ప్రయత్నాలు నలుగురి సహకారంతో ముందుకు సాగుతాయి. సంగీత, సాహిత్య, సినిమా రంగాలలోని వారికి కొత్త అవకాశాలు వస్తాయి. కోర్టు, రాజకీయ పనులలో అనుకూల ఫలితాలు ఉంటాయి. వ్యవసాయదారులకు, పారిశ్రామికవేత్తలకు పనివారితో ఇబ్బందులు ఏర్పడవచ్చు. వృథా ఖర్చులు, న్యాయపరమైన సమస్యలు ఎదుర్కొంటారు.
మీనం
రావలసిన డబ్బు చేతికి అందుతుంది. శుభకార్యాలు చేస్తారు. నలుగురి సహకారం లభిస్తుంది. ప్రారంభించిన పనులలో కొంత ఆలస్యం జరుగవచ్చు. స్నేహితులు, బంధువర్గంతో సత్సంబంధాలు ఉంటాయి. వ్యవసాయదారులకు అనుకూలం. ప్రయాణాలు కలిసి
వస్తాయి. స్థిర చరాస్తులు కొనుగోలు చేస్తారు. సంగీత, సాహిత్య, సినిమా రంగాలలోని వారికి ఆదాయం పెరుగుతుంది. కొత్త అవకాశాలు వస్తాయి. ఇంటా బయటా సంతృప్తిగా ఉంటారు. నిత్య వ్యాపారం లాభసాటిగా ఉంటుంది. ఈ వారం గురురాశి మార్పు కొంత ప్రభావాన్ని చూపిస్తుంది. మంచి పనులకు ఖర్చులు పెరుగవచ్చు. సిబ్బందితో అనుకూలత ఉంటుంది.
ఇవీ కూడా చదవండి…
ఈ నగరానికి రాణి ఎలా అయింది..‘మిస్ ఇండియా తెలంగాణ’ముచ్చట్లు
గెటప్ చూసి వంద రోజుల సినిమా అన్నారు..మేకప్ సంగతులు
యాసే..శ్వాసగా!..తెలంగాణ సినిమా కవులు