కరెంట్‌ షాక్‌తో రైతు మృతి

పొలానికి వెళ్లిన ఓ రైతు విద్యుత్తు షాక్‌కు గురై మృతి చెందిన ఘటన నిజామాబాద్‌ జిల్లా బోధ న్‌ మండలం హంగర్గలో చోటుచేసుకున్నది.

• నిజామాబాద్‌ జిల్లా లో ఘటన

బోధన్‌ రూర ల్‌, అక్టోబర్‌ 30: పొలానికి వెళ్లిన ఓ రైతు విద్యుత్తు షాక్‌కు గురై మృతి చెందిన ఘటన నిజామాబాద్‌ జిల్లా బోధ న్‌ మండలం హంగర్గలో చోటుచేసుకున్నది. గ్రామానికి చెందిన రైతు చిన్నసాయిలు (50) శుక్రవారం తెల్లవారుజామున 4 గంటల ప్రాంతంలో పొలానికి వెళ్లి పనిచేస్తున్న క్రమంలో గట్టు పక్కన ఉన్న ట్రాన్స్‌ఫార్మర్‌ను ప్రమాదవశాత్తు తాకడంతో విద్యుత్‌షాక్‌కు గురై అక్కడికక్కడే మృతిచెందాడు. బోధన్‌ రూరల్‌ పోలీసులు ఘటనా స్థలాన్ని పరిశీలించారు. కేసు దర్యాప్తు చేస్తున్నట్టు బోధన్‌ రూరల్‌ ఎస్సై రాజశేఖర్‌ తెలిపారు.