Vemulawada | ఎములాడ రాజన్నా 13.5 కోట్లు కట్టు.. ఆస్తిపన్ను చెల్లించాలంటూ బల్దియా నోటీసులు
రాజన్నసిరిసిల్ల జిల్లా వేములవాడ పురపాలక సంఘం, రాజరాజేశ్వరాలయం మధ్య ఆస్తిపన్ను విషయంలో రగడ నడుస్తున్నది. వేములవాడ మేజర్ గ్రామపంచాయతీగా ఉన్న సమయంలో ప్రతి ఏడాది రాజన్న ఆలయం నుంచి రూ.16 లక్షల గ్రాంట్ ఇచ్చేవారు.
- రాజరాజేశ్వరాలయం, వేములవాడ మున్సిపాలిటీ మధ్య ఆస్తిపన్ను యుద్ధం
- రూ.6 కోట్ల అసలుకు రూ.7.5 కోట్ల వడ్డీ కలిపి రూ.13.5 కోట్లు చెల్లించాలని బల్దియా నోటీసులు
- ఇన్నాళ్లు ఏం చేశారని ఆలయ అధికారుల ప్రశ్న
Vemulawada | వేములవాడ, ఏప్రిల్ 19 : రాజన్నసిరిసిల్ల జిల్లా వేములవాడ పురపాలక సంఘం, రాజరాజేశ్వరాలయం మధ్య ఆస్తిపన్ను విషయంలో రగడ నడుస్తున్నది. వేములవాడ మేజర్ గ్రామపంచాయతీగా ఉన్న సమయంలో ప్రతి ఏడాది రాజన్న ఆలయం నుంచి రూ.16 లక్షల గ్రాంట్ ఇచ్చేవారు. 2011లో మున్సిపాలిటీగా మారిన తర్వాత రాజన్న ఆలయ అనుబంధంగా ఉన్న వసతి గదుల సముదాయాలు, అద్దె దుకాణాలపై ఆస్తిపన్ను చెల్లించాలని అప్పటి పురపాలక శాఖ ఆదేశించింది. దీంతో 2020-21లో ఆలయానికి సంబంధించిన నందీశ్వర, లక్ష్మీగణపతి, పార్వతీపురం, శంకరపురం, రాజేశ్వరపురం, ధర్మశాలలతోపాటు స్వామివారికి అనుబంధంగా ఉన్న వాణిజ్య దుకాణాలకు సంబంధించి మున్సిపల్ అధికారులు అసెస్మెంట్ చేశారు. ఇక ప్రతి ఏడాది రూ.1.9 కోట్ల ఆస్తి పన్ను చెల్లించేలా లెకలు వేశారు. ఇంతవరకు బాగానే ఉన్నా 2014 నుంచి 2020 వరకు రూ.6 కోట్లు బకాయిలుగా చూపుతూ 2020-21లో రాజన్న ఆలయానికి మున్సిపల్ అధికారులు నోటీసులు పంపారు. అయితే, ప్రస్తుత పన్ను బకాయి మాత్రమే చెల్లిస్తామని, గత నాలుగేండ్లుగా ప్రతి ఏడాది రూ.1.9 కోట్ల ఆస్తి పన్ను చెల్లిస్తూ వచ్చారు.
అసలు రూ.6 కోట్లు.. వడ్డీ రూ.7.5 కోట్లు..
వేములవాడ పురపాలక సంఘ కార్యాలయం నుంచి ఆస్తిపన్ను బకాయిలు రూ.13.50 కోట్లు చెల్లించాలని ఇటీవల రాజన్న ఆలయానికి నోటీసులు జారీ చేశారు. అయితే, 2014 నుంచి 2020 వరకు ఆరేండ్ల బకాయిని రూ.6 కోట్లుగా చూపుతూ దానికి వడ్డీగా రూ.7.50 కోట్లు కలిపి మొత్తం రూ.13.50 కోట్లు చెల్లించాలని నోటీసులో పేర్కొన్నది. 2020-21లో ఆలయ ఆస్తులను లెకించి పన్ను వేసిన మున్సిపల్ అధికారులు 2014 నుంచి బాకీ చూపడాన్ని ఆలయ అధికారులు తప్పుపడుతున్నారు. నాలుగేండ్లపాటు అధికారులు ఎలాంటి నోటీసు ఇవ్వకుండా ఏకమొత్తంలో బకాయి చెల్లించాలని అధికారిక ఉత్తర్వులు జారీ చేయరాదని సుప్రీంకోర్టు ఉత్తర్వులు ఉన్నాయని పేరొంటున్నారు. అసలు కంటే వడ్డీ ఎకువగా ఉండడాన్ని తమ శాఖ ఎలా పరిగణలోకి తీసుకుంటుందని, పైగా సుప్రీంకోర్టు గైడ్లైన్స్ ప్రకారం చెల్లించరాదనే వాదన వినిపిస్తున్నారు.
బాకీదారులందరికీ నోటీసులిచ్చాం
అస్తిపన్ను బకాయిలు వసూలు చేసే క్రమంలో బాకీదారులందరకీ నోటీసులు ఇచ్చాం. ఇందులో భాగంగానే రాజన్న ఆలయ అధికారులకూ ఇచ్చాం. రూ.13.5 కోట్ల బకాయి ఉన్నది. ఏడాది కరెంట్ పన్ను బకాయి మాత్రమే చెల్లిస్తున్నారు. పాత బకాయి వడ్డీతో సహా రూ.13.5 కోట్లకు చేరినందున మొత్తం చెల్లించాలని నోటీసులిచ్చాం.
-అన్వేశ్, మున్సిపల్ కమిషనర్, వేములవాడ
దేవాదాయ కమిషనర్కు లేఖ రాశాం
వేములవాడ రాజన్న ఆలయానికి సంబంధించిన ఆస్తిపన్ను బకాయిలపై రాష్ట్ర దేవాదాయ శాఖ కమిషనర్ అనుమతి కోసం ఇటీవల లేఖ రాశాం. రూ.13.5 కోట్ల బకాయి చెల్లించే అంశం కమిషనర్ పరిధిలోనే ఉంటుంది. ఉన్నతాధికారుల ఆదేశాలను అనుసరించి తదుపరి నిర్ణయం తీసుకుంటాం.
– వినోద్రెడ్డి, ఈవో, రాజన్న ఆలయం
Read Today's Latest Telangana News in Telugu and Telugu News
RELATED ARTICLES
తాజా వార్తలు
KTR | రేవంత్ పాలనలో పల్లె నుంచి పట్నం వరకు అంతా విధ్వంసమే.. ఆర్బీఐ నివేదికపై కేటీఆర్ ధ్వజం
ఫోన్ చూడొద్దని తల్లి మందలించిందని మనస్తాపం.. ఇద్దరు పిల్లలను టీవీ ముందు కూర్చోబెట్టి వివాహిత ఆత్మహత్య
RC 17 | సుకుమార్ సినిమా కోసం రామ్ చరణ్ కొత్త లుక్.. బరువు తగ్గడం కోసం ప్రత్యేక శిక్షణ!
ఉప్పల్ భగాయత్లో ఘోర ప్రమాదం.. డివైడర్ను ఢీకొని ఇద్దరు యువకులు మృతి
KTR | గూండాయిజంతోనే కంపెనీలను భారత్కు తీసుకొస్తారా.. రాహుల్ గాంధీని నిలదీసిన కేటీఆర్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

