కరెంట్‌ పోల్‌పైనే ఎలక్ట్రీషియన్‌ దుర్మరణం

ప్రైవేట్‌ ఎలక్ట్రిషియన్‌ విద్యుత్తు స్తంభంపైనే మృతి చెందాడు. ఈ ఘటన ఆదిలాబాద్‌ జిల్లాలో ఉద్రికత్తతకు దారితీసింది. స్థానికులు తెలిపిన వివరాల ప్రకారం.. ఆదిలాబాద్‌ రూరల్‌ మండలం యాపల్‌గూడ గ్రామానికి చెందిన ప్రైవేట్‌ ఎలక్ట్రిషియన్‌ మోతీరాం (35) కొంతకాలం క్రితం విద్యుత్తు లైన్‌మన్‌ వద్ద పనిచేసి మానేశాడు.

ఎదులాపురం, జూన్‌ 9 : ప్రైవేట్‌ ఎలక్ట్రిషియన్‌ విద్యుత్తు స్తంభంపైనే మృతి చెందాడు. ఈ ఘటన ఆదిలాబాద్‌ జిల్లాలో ఉద్రికత్తతకు దారితీసింది. స్థానికులు తెలిపిన వివరాల ప్రకారం.. ఆదిలాబాద్‌ రూరల్‌ మండలం యాపల్‌గూడ గ్రామానికి చెందిన ప్రైవేట్‌ ఎలక్ట్రిషియన్‌ మోతీరాం (35) కొంతకాలం క్రితం విద్యుత్తు లైన్‌మన్‌ వద్ద పనిచేసి మానేశాడు. తాజాగా ఆదివారం విద్యుత్తు మరమ్మతుల కోసం స్తంభం ఎక్కాడు. ఒక్కసారిగా విద్యుత్తు సరఫరా కావడంతో ఆయన స్తంభంపైనే మృతి చెందాడు. మోతీరాం కుటుంబ సభ్యులను ఆదుకోవాలని గ్రామస్థులు ఆందోళనకు దిగారు. అధికారులు స్పష్టమైన హామీ ఇచ్చేంత వరకు మృతదేహాన్ని కిందికి దింపేది లేదంటూ అక్కడే బైఠాయించారు. దీంతో ఉదయం 10 నుంచి మధ్యాహ్నం 2.30 గంటల వరకు మృతదేహం స్తంభం పైనే వేలాడుతూ ఉండిపోయింది. రూరల్‌ పోలీసులు, విద్యుత్తు అధికారులు గ్రామానికి చేరుకుని సముదాయించడంతో మృతదేహాన్ని కిందికి దింపారు. మోతీరాం భార్య ప్రతిభ ఫిర్యాదు మేరకు కేసు నమోదు చేసినట్టు రూరల్‌ ఎస్సై ముజాహిద్‌ తెలిపారు. లైన్‌మన్‌, జూనియర్‌ లైన్‌మన్‌కు తెలియకుండా మోతీరాం కరెంటు పోల్‌ ఎక్కి ప్రమాదవశాత్తు మృతిచెందాడని, ఈ ఘటనతో తమకు ఎలాంటి సంబంధం లేదని ఆదిలాబాద్‌ రూరల్‌ అడిషనల్‌ అసిస్టెంట్‌ ఇంజినీర్‌ తిరుపతిరెడ్డి తెలిపారు.