BC CM | ‘బీసీ సీఎం ప్రకటన కాంగ్రెస్ మొక్కుబడి మాటే’.. మహేష్గౌడ్ వ్యాఖ్యలపై దూదిమెట్ల విమర్శలు
BC CM | రాష్ట్రంలో బీసీ ముఖ్యమంత్రి వస్తారని టీపీసీసీ అధ్యక్షుడు మహేష్గౌడ్ చేసిన ప్రకటన హాస్యాస్పదంగా ఉందని బీఆర్ఎస్ నేత, మాజీ కార్పొరేషన్ చైర్మన్ దూదిమెట్ల బాలరాజ్యాదవ్ విమర్శించారు. రానున్న ఎన్నికల్లో బీసీ ఓట్లను ఆకర్షించేందుకే కాంగ్రెస్ ఈ ప్రకటన చేశారని ఆరోపించారు
BC CM | రాష్ట్రంలో బీసీ ముఖ్యమంత్రి వస్తారని టీపీసీసీ అధ్యక్షుడు మహేష్గౌడ్ చేసిన ప్రకటన హాస్యాస్పదంగా ఉందని బీఆర్ఎస్ నేత, మాజీ కార్పొరేషన్ చైర్మన్ దూదిమెట్ల బాలరాజ్యాదవ్ విమర్శించారు. రానున్న ఎన్నికల్లో బీసీ ఓట్లను ఆకర్షించేందుకే కాంగ్రెస్ ఈ ప్రకటన చేశారని ఆరోపించారు. సోమవారం తెలంగాణ భవన్లో నిర్వహించిన విలేకరుల సమావేశంలో ఆయన మాట్లాడారు.
2034 వరకు తానే ముఖ్యమంత్రిగా ఉంటానని రేవంత్ రెడ్డి ఇప్పటికే ప్రకటించుకున్నారని బాలరాజ్యాదవ్ గుర్తుచేశారు. అలాంటప్పుడు బీసీ సీఎం వస్తారని మహేష్గౌడ్ చెప్పడం కేవలం మొక్కుబడి ప్రకటనేనని అన్నారు. చేవెళ్లలో కాంగ్రెస్ ప్రకటించిన బీసీ డిక్లరేషన్కు 36 నెలలు పూర్తయినా అందులోని హామీల్లో ఎన్ని అమలు చేశారో చెప్పాలని డిమాండ్ చేశారు. 200 కార్పొరేషన్ చైర్మన్ పదవులు ఇస్తామని చెప్పి కేవలం 41 పదవులను మాత్రమే బీసీలకు ఇచ్చారని ఆరోపించారు. బీసీలకు కాంగ్రెస్ తక్కువ ఇచ్చి ఎక్కువగా ప్రచారం చేసుకుంటోందని విమర్శించారు.
బీసీ సీఎం కావాలంటే మెజారిటీ ఎమ్మెల్యేలు బీసీలుగా ఉండాలని బాలరాజ్యాదవ్ అన్నారు. నల్లగొండ, ఖమ్మం, మహబూబ్నగర్ జిల్లాల్లో కాంగ్రెస్కు 34 మంది ఎమ్మెల్యేలు ఉంటే వారిలో ఇద్దరే బీసీలు ఉన్నారని పేర్కొన్నారు. మొత్తం 15 మంది సభ్యులున్న మంత్రివర్గంలోనూ ఇద్దరే బీసీ మంత్రులు ఉన్నారని అన్నారు. ఇటీవల కాంగ్రెస్ ఎంపిక చేసిన ఇద్దరు రాజ్యసభ సభ్యులూ అగ్రవర్ణాలకు చెందినవారేనని, లోక్సభ సీట్లలోనూ బీసీలకు తగిన ప్రాధాన్యం ఇవ్వలేదని ఆరోపించారు. కర్ణాటకలో బీసీ డిక్లరేషన్ ప్రకటించిన సిద్ధరామయ్యను సీఎం పదవి నుంచి తొలగించి ఓసీని సీఎం చేశారని ఆయన విమర్శించారు. తెలంగాణలోనూ రేవంత్రెడ్డి మంత్రివర్గంలోని పద్మశాలి సామాజికవర్గానికి చెందిన వ్యక్తి పదవిని తొలగించారని ఆరోపించారు.
బీసీ సీఎం ముచ్చట దేవుడెరుగు.. ముందు కామారెడ్డిలో ఇచ్చిన బీసీ డిక్లరేషన్ను అమలు చేయండి.
నోటి మాటలతో రోజూ కాలం గడపడం తప్ప, బీసీలకు ఇప్పటిదాకా రేవంత్ చేసిందేమీ లేదు.
– బీఆర్ఎస్ నాయకులు @balarajuyadav https://t.co/OHr1qd0vIA
— BRS Party (@BRSparty) October 5, 2026
ముఖ్యమంత్రి రేవంత్రెడ్డి ఆస్తులకు సంబంధించి కేటీఆర్ స్పందించినప్పటికీ, తాము ఆధారాలతో ఆరోపణలు చేస్తున్నా సీఎం, మంత్రులు, కాంగ్రెస్ నేతలు స్పందించడం లేదని బాలరాజ్యాదవ్ అన్నారు. రేవంత్రెడ్డి 34 నెలల్లో రూ.52 వేల కోట్ల ఆస్తులను అక్రమంగా కూడబెట్టుకున్నారని ఆరోపించారు. ఈ ఆరోపణలను ప్రభుత్వం, సంబంధిత నేతలు ఖండించినా లేదా సమర్థించినా వార్తలో స్పష్టంగా చేర్చాల్సి ఉంటుందని ఆయన పేర్కొన్నారు. కాంగ్రెస్ నేతలు రోజుకో వేషంతో ప్రజల ముందుకు వస్తున్నారని విమర్శించారు. బీసీ డిక్లరేషన్ను అమలు చేయని వారు బీసీలకు ద్రోహం చేసినవారవుతారని అన్నారు. మహేష్గౌడ్ కేసీఆర్ను బీసీ ద్రోహిగా అభివర్ణించడాన్ని ఖండించారు.
పేద విద్యార్థుల ఉపకారవేతనాలకు నిధులు లేవని చెబుతున్న ప్రభుత్వం, హెలికాప్టర్ ప్రయాణాలకు మాత్రం డబ్బు ఖర్చు చేస్తోందని విమర్శించారు. కేసీఆర్ వ్యవసాయ క్షేత్రం వద్దకు వెళ్లి దాడికి పాల్పడిన వారిపై కేసులు నమోదు చేయలేదని, సీఎం రేవంత్రెడ్డి ఆస్తులపై పోస్టర్లు వేసిన వారిపై కేసులు పెట్టారని ఆరోపించారు.
Read Today's Latest Telangana News in Telugu and Telugu News
- Tags
- BC CM
- BC declaration
- BRS
- Congress
RELATED ARTICLES
తాజా వార్తలు
‘వలసల నివారణే లక్ష్యం’
నెమ్మాది భిక్షంకు మాజీ మంత్రి జగదీశ్రెడ్డి పరామర్శ
Patnam Narender Reddy | అసమర్ధతను కప్పిపుచ్చుకునేందుకే కేసీఆర్ కుటుంబంపై తిట్ల రాజకీయాలు : మాజీ ఎమ్మెల్యే పట్నం నరేందర్ రెడ్డి
‘‘ప్రజా గర్జన – ఛలో హైదరాబాద్’ ని జయప్రదదం చేయండి’
‘ఆదివాసీ యువకుడు తెల్లం శరత్ మృతి ఘటనపై సమగ్ర విచారణ జరపాలి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

