Visit:
హైదరాబాద్‌, నవంబర్‌ 29 (నమస్తే తెలంగాణ): రామగుండం థర్మల్‌ విద్యుత్తు ప్లాంట్‌ ను ఎన్టీపీసీకి నామినేషన్‌ పద్ధతిలో అప్పగించబోమని, కాంపిటేటివ్‌ బిడ్డింగ్‌కు వెళ్తామని డిప్యూటీ సీఎం భట్టి విక్రమార్క ప్రకటించారు. గ్లోబల్‌ టెండర్లు పిలుస్తామని, ప్రభు త్వ, ప్రైవేట్‌రంగ సంస్థలన్నీ ఈ టెండర్లల్లో పాల్గొనవచ్చని, ఎవరు తక్కువకు కోట్‌ చేస్తే వారికే ప్లాంట్‌ నిర్మాణ బాధ్యతలను అప్పగిస్తామని స్పష్టంచేశారు. శనివారం ఆయన బేగంపేటలోని ప్రజాభవన్‌లో విద్యుత్తురంగ భవిష్యత్తు ప్రణాళికలపై మంత్రులు శ్రీధర్‌బాబు, పొన్నం ప్రభాకర్‌తో కలిసి పవర్‌పాయింట్‌ ప్రజెంటేషన్‌ ఇచ్చారు. రామగుండంలో నిర్మించతలపెట్టిన 800 మెగావాట్ల థర్మల్‌ప్లాంట్‌ను ఎన్టీపీసీకి నామినేషన్‌ పద్ధతిలో ఎలా అప్పగిస్తారని విలేకరులు ప్రశ్నించారు. ‘కేంద్ర నిబంధనల ప్రకారం విద్యుత్తు ప్లాంట్లను నామినేషన్‌ పద్ధతిలో ఇవ్వకూడదు. గ్లోబల్‌ టెండర్లు పిలవాలి. కాంపిటేటివ్‌ బిడ్డింగ్‌కు వెళ్లాలి. ఎవరు తక్కువ కోట్‌ చేస్తే వారికి నిర్మాణ బాధ్యతలు అప్పగించా ల్సి ఉంటుం ది’ కదా అని మీడియా ప్రతినిధులు గుర్తుచేయగా.. దీనిపై భట్టి స్పందిస్తూ.. నామినేషన్‌ పద్ధతిలో అప్పగించబోమని, కాంపిటేటివ్‌ బిడ్డింగ్‌కే వెళ్తామని స్పష్టంచేశారు.
బొగ్గు గనుల వద్దనే థర్మల్‌ ప్రాజెక్టులు
బొగ్గు గనుల వద్దనే థర్మల్‌ ప్రాజెక్టులు నిర్మించాలని భావిస్తున్నదని, ఎన్టీపీసీ లేదా జెన్‌కో ఎవరు తకువ ధరకు నిర్మిస్తే వారికే ఇ స్తామని భట్టి విక్రమార్క స్పష్టంచేశారు. తద్వా రా నారాయణపేట జిల్లా మక్తల్‌లో థర్మల్‌ పవర్‌ప్లాంట్‌ నిర్మాణం ఉండబోదని పరోక్షం గా తెలిపారు. రామగుండంలోని ఎన్టీపీసీ థర్మల్‌ప్లాంట్‌ నుంచి 800 మెగావాట్ల విద్యుత్తును తీసుకోనున్నట్టు వెల్లడించారు. ప్రభుత్వం తరఫున ఎన్టీపీసీకి అంగీకారపత్రాన్ని అందజేశామని చెప్పారు. ఎన్టీపీసీకి చెందిన 1,600 మెగావాట్ల థర్మల్‌ విద్యుత్తు తీసుకునే విషయంలో రాష్ట్ర అవసరాలు, యూనిట్‌ ధరను బట్టి నిర్ణయం తీసుకుంటామని పేర్కొన్నారు.
విద్యుత్తు ఉత్పత్తి పెరగాలి
2047 నాటికి 1,39,310 మె గావాట్లకుపైగా విద్యుత్తు అవసరం ఏర్పడుతుందని, కానీ, ప్రస్తుతం విద్యుత్తు ఉత్పత్తి సామర్థ్యం 20,754 మెగావాట్లుగా ఉన్నదని చెప్పారు. 2014లో డి మాండ్‌ 6,755 మెగావాట్లు ఉండేదని, 20 25 నాటికి 17,162కు పెరిగిందని వివరించా రు. 2025-26 నాటికి 18,825 మెగావాట్ల కు, 2035 నాటికి 48,827 మెగావాట్లకు పెరుగుతుందనే అంచనాలు ఉన్నాయన్నారు.
హరీశ్‌ డిమాండ్లతో సర్కార్‌ యూటర్న్‌
క్యాబినెట్‌ సమావేశంలో విద్యుత్తు ప్లాంట్ల నిర్మాణం విషయంలో ప్రభుత్వం తీసుకున్న నిర్ణయాలపై హరీశ్‌రావు పలు ప్రశ్నలు సంధించిన నేపథ్యంలో ప్రభుత్వం యూటర్న్‌ తీసుకున్నది. కొన్ని నిర్ణయాలను మార్చుకున్నది. ఇటీవల హరీశ్‌రావు మీడియాతో మాట్లాడుతూ.. ‘క్యాబినెట్‌లో జరిగింది అతిపెద్ద పవర్‌స్కామ్‌. ఇది అక్షరాల రూ.50 వేల కోట్ల కుంభకోణం. రామగుండం ప్లాంట్‌ విషయం లో ఎన్టీపీసీ, జెన్‌కోల్లో ఎవరు తక్కు వ రేట్‌కు కోట్‌చేస్తే, తక్కువ ధరకు కరెంట్‌ ఇస్తే వారికే అవకాశం ఇస్తామన్నారు. నిజానికి ఇదంతా పెద్ద డ్రామా! దీనిపై ఎన్టీపీసీ, జెన్‌కోలు రెండు డీపీఆర్‌లు తయారుచేశాయి. క్యాబినెట్‌కు స మర్పించిన జెన్‌కో డీపీఆర్‌ ప్రకారం ఒక మెగావాట్‌కు రూ.14 కోట్లు ఖర్చవుతుందని పేర్కొన్నది.
మొదట రూ.17 కోట్లు అని చెప్పి.. బద్నాం అవుతామని ఆ తర్వాత 14 కోట్లకు తగ్గించారు. ఒక మెగావాట్‌కు 12.23 కోట్లకు ఎన్టీపీసీ డీపీఆర్‌ను రూపొందించింది. జెన్‌కోది ఎక్కువనా.. ఎన్టీపీసీది ఎక్కువనా..? అంటే దీంట్లో ఖుల్లంకుల్లా. దీనిపై చర్చించి నిర్ణయం తీసుకుంటామనడం హాస్యాస్పదం. ఎన్టీపీసీ తెలంగాణ కోసమే 4వేల మెగావాట్ల ప్లాంట్‌ను కడుతున్నది. 1,600 మెగావాట్లు బీఆర్‌ఎస్‌ ప్రభుత్వం ఉన్నప్పుడే కట్టింది. ఈ పవర్‌ను తెలంగాణ తీసుకున్నది కూడా. ఇప్పుడు మరో 2,400 మెగావాట్ల ప్లాంట్‌ను ఎన్టీపీసీ కడుతున్నది. కానీ, దీనిని రాష్ట్ర ప్రభుత్వం ఎందుకు తీసుకోవడంలేదని మేం ప్రశ్నిస్తున్నం’ అని వ్యాఖ్యానించారు. హరీశ్‌రావు లేవనెత్తిన ప్రశ్నలు, చేసిన డిమాండ్ల నేపథ్యంలో ప్రభుత్వం యూటర్న్‌ తీసుకున్నదనే అభిప్రాయం వ్యక్తమవుతున్నది.
