మెట్రో రైళ్లకు ఆగిన కరెంట్‌

హైదరాబాద్‌లో బుధవారం కురిసిన భారీ వర్షానికి మెట్రో మార్గాల్లో కొద్దిసేపు విద్యుత్తు సరఫరా నిలిచిపోయింది.

• రైళ్ల తలుపులు బంద్‌, తెరుచుకోని స్టేషన్ల గేట్లు
• ప్రయాణికుల భయాందోళన

హైదరాబాద్‌, జూన్‌ 5 (నమస్తే తెలంగాణ): హైదరాబాద్‌లో బుధవారం కురిసిన భారీ వర్షానికి మెట్రో మార్గాల్లో కొద్దిసేపు విద్యుత్తు సరఫరా నిలిచిపోయింది. ఎంజీబీఎస్‌ మెట్రోస్టేషన్‌ వద్ద ఉన్న ట్రాన్స్‌కో ఫీడర్‌కు విద్యుత్తు సరఫరా ట్రిప్‌ కావడంతో ఏడు నిమిషాలపాటు విద్యుత్తు సరఫరాకు అంతరాయం ఏర్పడింది. దీంతో ఎల్బీనగర్‌ – మియాపూర్‌ మార్గంలో నడిచే మెట్రో రైళ్లు ఎక్కడికక్కడ నిలిచిపోయా యి. ఓ వైపు రైళ్లలో తలుపులు తెరుచుకోకపోగా.. మరో వైపు మెట్రో స్టేషన్లలో గేట్లు సై తం మూతపడ్డాయి. పావుగంట పాటు ప్రయాణికులు అటు రైళ్లలో, ఇటు స్టేషన్ల వద్ద భయాందోళనకు గురయ్యారు.

ఎర్రమంజిల్‌లో మెట్రో రైలు తలుపులు 15-20 నిమిషాల పాటు తెరుచుకోకపోవడంతో ప్రయాణికులు ఉక్కిరిబిక్కిరి అయ్యారు. ఎమర్జెన్సీ డోర్‌ ద్వారా ప్రయాణికులు బయటకు వచ్చారు. ఎల్బీనగర్‌ మెట్రో స్టేషన్‌లో ఎగ్జిట్‌ గేట్లు తెరుచుకోలేదు. ప్రయాణికులు సిబ్బందితో వాగ్వాదానికి దిగా రు. వెంటనే మియాపూర్‌లోని ఫీడర్‌ నుంచి విద్యుత్తు సరఫరాను పునరుద్ధరించి రైళ్లను నడిపామని మెట్రోఅధికారులు వివరించారు.