కరెంట్ ఇవ్వకపోతే రేవంత్ గద్దె దిగాలి
వ్యవసాయ రంగంపై రేవంత్కు ఏ మాత్రం అవగాహన లేదని, రైతులకు అవసరమైన కరెంట్ ఇవ్వడంలో సర్కార్ ఘోరంగా విఫలమైందని మక్తల్ మాజీ ఎమ్మెల్యే చిట్టెం రామ్మోహన్రెడ్డి విమర్శించారు. కరెంట్ ఇవ్వడం చేతకాకపోతే రేవంత్రెడ్డి గద్దె దిగాలని డిమాండ్ చేశారు. విద్యుత్తు కోతలను నిరసిస్తూ గురువారం బీఆర్ఎస్ ఆధ్వర్యంలో రైతులతో కలిసి నారాయణపేట జిల్లా మక్తల్ సబ్స్టేషన్ను ముట్టడించారు.
- వ్యవసాయ రంగంపై అవగాహనే లేదు
- మాజీ ఎమ్మెల్యే చిట్టెం రామ్మోహన్రెడ్డి
- మక్తల్లో ఏడీఈ కార్యాలయం ముట్టడి
- రైతులు, బీఆర్ఎస్ శ్రేణులతో కలిసి ధర్నా
మక్తల్, ఆగస్టు 20 : వ్యవసాయ రంగంపై రేవంత్కు ఏ మాత్రం అవగాహన లేదని, రైతులకు అవసరమైన కరెంట్ ఇవ్వడంలో సర్కార్ ఘోరంగా విఫలమైందని మక్తల్ మాజీ ఎమ్మెల్యే చిట్టెం రామ్మోహన్రెడ్డి విమర్శించారు. కరెంట్ ఇవ్వడం చేతకాకపోతే రేవంత్రెడ్డి గద్దె దిగాలని డిమాండ్ చేశారు. విద్యుత్తు కోతలను నిరసిస్తూ గురువారం బీఆర్ఎస్ ఆధ్వర్యంలో రైతులతో కలిసి నారాయణపేట జిల్లా మక్తల్ సబ్స్టేషన్ను ముట్టడించారు.
అంతకుముందు స్థానిక కన్యకా పరమేశ్వరి ఆలయం నుంచి బైక్ ర్యాలీ చేపట్టి అసిస్టెంట్ డివిజనల్ ఇంజినీర్ కార్యాలయానికి చేరుకొన్నారు. ఈ సందర్భంగా మాజీ ఎమ్మెల్యే చిట్టెం మాట్లాడుతూ.. సాగుకు సరిపడా కరెంట్ ఇవ్వకపోడంతో రైతులు కండ్లల్లో వత్తులు వేసుకొని.. పొలాల గట్లపై నిద్రాహారాలు మాని పడిగాపులు కాస్తున్నారని ఆవేదన వ్యక్తంచేశారు. మక్తల్ నియోజకవర్గంలో చీటికి మాటికి కరెంట్ కోతలు, లోవోల్టేజీ సమస్యతో వ్యవసాయ మోటర్లు కాలిపోతున్నాయని ఆరోపించారు.
కరెంటు సమస్యపై ఏ అధికారికి విన్నవించాలో తెలియక రైతులు ఆందోళనకు గురవుతున్నారని అన్నారు. కేసీఆర్ ప్రభుత్వంలో వ్యవసాయానికి నిరంతర విద్యుత్తు అందడంతో సాగు సంబురంగా సాగిందని గుర్తుచేశారు. విద్యుత్తు శాఖ ఎస్ఈ వచ్చే వరకు ఆందోళన విరమించేది లేదని తెగేసి చెప్పారు. విషయం తెలుసుకున్న ఎస్ఈ నవీన్కుమార్ హుటాహుటిన అక్కడికి చేరుకొని చిట్టెంతో మాట్లాడారు. లోవోల్టేజీ సమస్యను గుర్తించి, రైతులకు సక్రమంగా విద్యుత్తు సరఫరా చేసేందుకు చర్యలు చేపడుతామని హామీ ఇవ్వడంతో ఆందోళన విరమించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

