బంజారాహిల్స్,అక్టోబర్ 18: హైదరాబాద్ జూబ్లీహిల్స్లోని డాక్టర్ బీఆర్ అంబేద్కర్ ఓపెన్ యూనివర్సిటీకి మూడు విభాగాల్లో ఐఎస్వో సర్టిఫికెట్లు లభించాయి. మంగళవారం యూనివర్సిటీలో వీసీ కే సీతారామారావుకు హెచ్వైఎం ఇంటర్నేషనల్ సర్టిఫికేషన్స్ సంస్థ అధినేత ఆలపాటి శివయ్య సర్టిఫికెట్లను అందజేశారు. వర్సిటీలో నాణ్యమైన ఉన్నత విద్య సేవలను అందిస్తున్నందుకు మేనేజ్మెంట్ అండ్ క్వాలిటీ స్టాండర్డ్స్ విభాగంలో ఐఎస్వో 9001-2015 సర్టిఫికెట్ను, ఎనర్జీ స్టాండర్డ్స్ విభాగంలో ఎస్వో 50001-2028 సర్టిఫికెట్ను, పర్యావరణ అండ్ గ్రీన్ అడిట్లో ఐఎస్వో 14001-2015 సర్టిఫికెట్ను అందించినట్టు శివయ్య తెలిపారు. ఐఎస్వో గుర్తింపు తమ వర్సిటీకి రావడం ఆనందంగా ఉన్నదని వీసీ తెలిపారు. కార్యక్రమంలో అకడమిక్ డైరెక్టర్ ప్రొ.సుధారాణి, సీఎస్టీడీ డైరెక్టర్ ఘంటా చక్రపాణి, రిజిస్ట్రార్ ఏవీఎన్ రెడ్డి పాల్గొన్నారు.