Bandi Sanjay | హైడ్రా బాధితులది దొంగ ఏడుపు.. కన్నీళ్లు రాకున్నా కండ్లు తుడుచుకుంటున్నరు: బండి సంజయ్‌

బీజేపీ కేంద్ర మంత్రి బండి సంజయ్‌ వివాదాస్పద వ్యాఖ్యలు చేశారు. కాంగ్రెస్‌ సర్కార్‌ తెచ్చిన హైడ్రా పేదల ఇండ్లను కూల్చేస్తుంటే.. ఆ కూల్చివేతల బాధిత కుటుంబాలవి దొంగ ఏడుపులంటూ వెటకారంగా మాట్లాడారు.

• దాన్ని పెద్దపెద్ద స్క్రీన్లు పెట్టి ప్రచారం చేస్తున్నరు
• బాధితుల కష్టాలను ఎగతాళి చేసిన కేంద్ర మంత్రి
• సోషల్‌ మీడియాలో మండిపడుతున్న నెటిజన్లు

హైదరాబాద్‌ సిటీబ్యూరో, నవంబర్‌ 8(నమస్తే తెలంగాణ): బీజేపీ కేంద్ర మంత్రి బండి సంజయ్‌ (Bandi Sanjay) వివాదాస్పద వ్యాఖ్యలు చేశారు. కాంగ్రెస్‌ సర్కార్‌ తెచ్చిన హైడ్రా పేదల ఇండ్లను కూల్చేస్తుంటే.. ఆ కూల్చివేతల బాధిత కుటుంబాలవి దొంగ ఏడుపులంటూ వెటకారంగా మాట్లాడారు. జూబ్లీహిల్స్‌ పరిధిలోని షేక్‌పేటలో శనివారం జరిగిన బీజేపీ రోడ్‌షోలో ఆయన ఈ వ్యాఖ్యలు చేశారు.

పెద్ద స్క్రీన్లు పెట్టి ఆ ఏడుపులను ప్రచారం చేస్తున్నరని, వాళ్ల ఏడుపులన్నీ నటన అని వ్యాఖ్యానించారు. ఏడుపురాకున్నా కండ్లు తుడుచుకుంటరని ఎద్దేవా చేశారు. హైడ్రా తీసుకొచ్చిన సీఎం రేవంత్‌రెడ్డి అన్నీ హిందువుల ఇండ్లనే కూలగొడ్తున్నరని అంటూనే, హైడ్రాతో ఇండ్లు కోల్పోయిన బాధితుల కష్టాలను చూసి ఎగతాళి చేయడంపై విస్మయం వ్యక్తమవుతున్నది. హైడ్రా బాధితులపై బండి సంజయ్‌ చేసిన వ్యాఖ్యలపై నెటిజన్లు మండిప డుతున్నారు.