Dense Fog | ప్రతికూల వాతావరణ పరిస్థితులు.. శంషాబాద్‌కు రావాల్సిన ఐదు విమానాలు దారి మళ్లింపు

Dense Fog | దేశ రాజధాని ఢిల్లీ (New Delhi) సహా పలు రాష్ట్రాల్లో ఉష్ణోగ్రతలు దారుణంగా పడిపోయాయి. హైదరాబాద్‌లో కూడా ఉష్ణోగ్రతలు పడిపోవడంతో దట్టంగా పొగ అలముకుంది. దీంతో విజిబిలిటీ దారుణంగా పడిపోయింది.

Dense Fog | దేశ రాజధాని ఢిల్లీ (New Delhi) సహా పలు రాష్ట్రాల్లో ఉష్ణోగ్రతలు దారుణంగా పడిపోయాయి. హైదరాబాద్‌లో కూడా ఉష్ణోగ్రతలు పడిపోవడంతో దట్టంగా పొగ అలముకుంది. దీంతో విజిబిలిటీ దారుణంగా పడిపోయింది. తక్కువ దూరంలోని వాహనాలు కనిపించని పరిస్థితి. దట్టమైన పొగ మంచు కారణంగా విజిబిలిటీ సరిగా లేక వాహనదారులు తీవ్ర ఇబ్బందులు పడుతున్నారు. ఈ పొగ మంచు (Dense Fog) ప్రభావం విమానాల రాకపోకలపై కూడా తీవ్ర ప్రభావం చూపింది. ఉదయం శంషాబాద్‌ (Shamshabad)లో పొగ‌మంచు కార‌ణంగా పలు విమానాలను అధికారులు దారి మళ్లించారు.

శంషాబాద్‌కు రావాల్సిన ఐదు విమానాలను (Five flights diverted) ప్రతికూల వాతావరణ పరిస్థితుల కారణంగా (Adverse weather conditions) దారి మ‌ళ్లించినట్లు అధికారులు తెలిపారు. ఉదయం శంషాబాద్‌లో ల్యాండ్ కావాల్సిన మూడు విమానాల‌ను దారి మళ్లించారు. ఛ‌త్తీస్‌గ‌ఢ్‌, గోవా, తిరువ‌నంత‌పురం నుంచి శంషాబాద్‌ విమానాశ్రయానికి రావాల్సిన విమానాలను గ‌న్నవ‌రంలో అత్యవసరంగా ల్యాండ్‌ చేసినట్లు వివరించారు. అదేవిధంగా బెంగళూరు నుంచి హైదరాబాద్‌కు రావాల్సిన ఎయిర్‌లైన్స్‌కు చెందిన UK897 విమానాన్ని సైతం తిరిగి బెంగళూరు మళ్లించినట్లు చెప్పారు. ముంబై నుంచి హైదరాబాద్‌కు బయలుదేరిన UK873 (విస్తారా) విమానం ప్రతికూల వాతావరణ పరిస్థితుల కారణంగా తిరిగి ముంబైకి మళ్లించినట్లు అధికారులు వెల్లడించారు.

Also Read..

Dense Fog | దట్టమైన పొగమంచు.. విమానాల రాకపోకలకు తీవ్ర అంతరాయం

Bengaluru Traffic | మరోసారి స్తంభించిన సిలికాన్‌ వ్యాలీ.. 3 గంటల పాటు ఎక్కడికక్కడ నిలిచిపోయిన వాహనాలు

Coronavirus | 4 వేల మార్క్‌ను దాటిన యాక్టివ్‌ కేసులు.. థానేలో 5 కొత్త జేఎన్‌.1 కేసులు