గురుకులాల్లో 5వ త‌ర‌గ‌తి ప్ర‌వేశాల‌కు నోటిఫికేష‌న్ విడుద‌ల‌

హైద‌రాబాద్ : రాష్ట్రంలోని గురుకుల పాఠ‌శాల‌ల్లో 5వ త‌ర‌గ‌తిలో ప్ర‌వేశాల కోసం నోటిఫికేష‌న్ విడుద‌లైంది. నేటి నుంచి ఈ నెల 28వ తేదీ వ‌ర‌కు ఆన్‌లైన్‌లో రూ. 100 స‌మ‌ర్పించి ద‌ర‌ఖాస్తు చేసుకోవ‌చ్చు. మే 8వ తేదీన ఉద‌యం 11 గంటల నుంచి మ‌ధ్యాహ్నం ఒంటి గంట వ‌ర‌కు ప్ర‌వేశ ప‌రీక్ష నిర్వ‌హించ‌నున్నారు. ఎస్సీ, ఎస్టీ, బీసీ, జ‌న‌ర‌ల్ గురుకులాల్లో ఐదో త‌ర‌గ‌తిలో 48,280 సీట్లు ఉన్నాయి. 2021-22 విద్యా సంవ‌త్స‌రంలో నాలుగో త‌ర‌గ‌తి పూర్తి చేసుకుంటున్న విద్యార్థులే ఈ ప్ర‌వేశ‌ప‌రీక్ష‌కు అర్హులు. త‌దిత‌ర వివ‌రాల కోసం www.tswreis.ac.in వెబ్‌సైట్‌ను సంద‌ర్శించొచ్చు.