ACB Case | ఆదాయానికి మించిన ఆస్తుల కేసులో కీసర సీఐపై ఏసీబీ కేసు నమోదు

ACB Case | లంచం తీసుకుంటూ ఏసీబీ అధికారులకు రెడ్‌హ్యండెడ్‌గా చిక్కిన కీసర సీఐ అరకపల్లి ఆంజనేయులు పై ఏసీబీ మరో కేసు నమోదు చేసింది.

హైదరాబాద్‌ : లంచం తీసుకుంటూ ఏసీబీ అధికారులకు రెడ్‌హ్యండెడ్‌గా చిక్కిన కీసర సీఐ అరకపల్లి ఆంజనేయులు ( CI Anjaneyulu ) పై ఏసీబీ మరో కేసు ( ACB Case ) నమోదు చేసింది. ఆదాయానికి మించి ఆస్తులున్నట్లు గుర్తించి అతడిపై మరో కేసు నమోదు చేశారు. శనివారం ఆంజనేయులుకు చెందిన ఇంటిపై, అతడికి సంబంధించిన నలుగురు కుటుంబ సభ్యుల ఇళ్లపై దాడులు చేసి విలువైన డాక్యుమెంట్లను స్వాధీనం చేసుకున్నారు.

పలు ఇళ్లతో పాటు మిర్యాలగూడ హాలియాలో నాలుగు ఎకరాల వ్యవసాయ భూమి ఉన్నట్లు సోదాలో గుర్తించారు. నగదు, బంగారం, వాహనాలు, ఇంటి పరికాలతో అధికార లెక్కల ప్రకారం మొత్తం 2.28 కోట్లు ఆస్తులు, అనధికారికంగా రెట్టింపు విలువ ఉంటుందని ఏసీబీ అధికారులు వెల్లడించారు. గత నెల 17న స్టేషన్‌లో రూ.5 లక్షల లంచం తీసుకుంటూ సీఐ ఆంజనేయులు ఏసీబీకి పట్టుబడ్డాడు.