ప్రశంసలు సరే.. పైసలేవీ!
కేంద్రంలోని బీజేపీ ప్రభుత్వం కేవలం మాటలకే పరిమితమవుతున్నది. చేతల వద్దకు వచ్చేసరికి స్తబ్దుగా ఉంటున్నది. ప్రభుత్వమే కాదు.. ప్రభుత్వ రంగ సంస్థల పనితీరుకూడా అలాగే ఉన్నది.
- తెలంగాణ ట్రాన్స్కోకు ఏ+ క్యాటగిరీ
- 400 కోట్ల రూపాయల రుణం విడుదల చేయని కేంద్ర సంస్థలు
- ప్రశంసకే పీఎఫ్సీ, ఆర్ఈసీ పరిమితం
హైదరాబాద్, జూన్ 23 (నమస్తే తెలంగాణ): కేంద్రంలోని బీజేపీ ప్రభుత్వం కేవలం మాటలకే పరిమితమవుతున్నది. చేతల వద్దకు వచ్చేసరికి స్తబ్దుగా ఉంటున్నది. ప్రభుత్వమే కాదు.. ప్రభుత్వ రంగ సంస్థల పనితీరుకూడా అలాగే ఉన్నది. భేష్.. మీరు బాగా పనిచేస్తున్నారు అంటూ ప్రశంసించినవారే.. తాము విడుదల చేయాల్సిన రుణం వద్దకు వచ్చేసరికి మొఖం చాటేస్తున్నారు. ముఖ్యంగా తెలంగాణ విద్యుత్తు సంస్థల విషయంలో అటు పవర్ ఫైనాన్స్ కార్పొరేషన్ (పీఎఫ్సీ), ఆర్ఈసీ (రూరల్ ఎలక్ట్రిఫికేషన్ కార్పొరేషన్)ల మాటలకు, చేతలకు ఎక్కడా పొంతన కుదరడం లేదు. దీంతో దాదాపు 3 నెలలుగా మన రాష్ట్ర విద్యుత్తు సంస్థలకు రుణం కింద విడుదల చేయాల్సిన సుమారు రూ.400 కోట్లు ఇవ్వడంలో తాత్సారం చేస్తున్నాయి.
శభాష్ అంటూ ప్రశంసలే..
తాజాగా తెలంగాణ ట్రాన్స్కో ప్రదర్శిస్తున్న అత్యుత్తమ పనితీరు, ఆర్థిక రుణ క్రమశిక్షణ తదితర అంశాలను పరిశీలించిన కేంద్ర ప్రభుత్వ రంగ సంస్థ పీఎఫ్సీ.. శభాష్ అంటూ ప్రశంసించింది. ట్రాన్స్కోకు ఏ+ క్యాటగిరీని కేటాయించింది. అయితే అదే పీఎఫ్సీ, మరో కేంద్ర ప్రభుత్వ రంగ సంస్థ ఆర్ఈసీలు కలిసి ఏప్రిల్లో విడుదల చేయాల్సిన సుమారు రూ.400 కోట్ల గురించి మాత్రం ఒక్క మాటకూడా చెప్పడం లేదు. నిజానికి పీఎఫ్సీ, ఆర్ఈసీలు గతంలోనే తెలంగాణ విద్యుత్తు సంస్థలతో చేసుకున్న రుణ ఒప్పందం మేరకు ఈ ఏప్రిల్లో రూ.400 కోట్ల వరకు ఇవ్వాల్సి ఉన్నది. కానీ దాదాపు 3 నెలల కాలం దగ్గరికి వస్తున్నా.. ఈ రుణం విషయంలో ఉలుకూ, పలుకూ లేదు. ఇస్తామన్న రుణాన్ని సరైన సమయంలో విడుదల చేస్తేనే.. యాదాద్రి, భద్రాద్రి లాంటి థర్మల్ విద్యుత్తు ప్రాజెక్టులను సకాలంలో పూర్తి చేయడం సాధ్యమవుతుంది. కేంద్ర సంస్థలు మాటలకే పరిమితమై.. చేతలకు వచ్చేసరికి తెల్లమొఖం వేయడంపై సర్వత్రా అసంతృప్తి వ్యక్తమవుతున్నది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Rahul Gandhi: ఆర్థిక సంక్షోభ అంచుల్లో భారత్.. తీవ్ర స్థాయిలో నిరుద్యోగం: రాహుల్ గాంధీ
Munipalli | స్నానం చేస్తేనే పాఠశాలకు రావాలి..! నేను ఇంతే, నా మాటే శాసనం
Dulquer Salmaan | విమర్శలను మోటివేషన్గా మార్చుకుంటున్నా: దుల్కర్ సల్మాన్!
ఉసిరికాయలపల్లి ఏహెచ్ఎస్ పాఠశాలలో డీడీ ఆకస్మిక తనిఖీ
Korukanti Chander | బూడిద లారీల పేరిట కలెక్టర్ దోపిడీ..! : మాజీ ఎమ్మెల్యే కోరుకంటి చందర్
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

