బ్లాక్‌బస్టర్‌ బ్లాగింగ్‌!

ప్రయాణాల్లో చూసే ప్రతిదాన్నీ కెమెరాల్లో బంధిస్తుంటాం.ఆయా ప్రదేశాలు, అక్కడి సంస్కృతి,వాతావరణం, మనుషుల జీవనశైలి, ఆహారం, ఆచారాలు, అనుభవాలుఅన్నిటినీ ఫొటోల రూపంలో కథలాచెప్పడమే.. ట్రావెల్‌ బ్లాగింగ్‌ ఫొటోగ్రఫీ.

ప్రయాణాల్లో చూసే ప్రతిదాన్నీ కెమెరాల్లో బంధిస్తుంటాం.ఆయా ప్రదేశాలు, అక్కడి సంస్కృతి,వాతావరణం, మనుషుల జీవనశైలి, ఆహారం, ఆచారాలు, అనుభవాలుఅన్నిటినీ ఫొటోల రూపంలో కథలాచెప్పడమే.. ట్రావెల్‌ బ్లాగింగ్‌ ఫొటోగ్రఫీ. ఇది కేవలం ఒక ఫొటో మాత్రమే కాదు..ఒక ప్రదేశాన్ని అనుభూతి చెందేలా చేసే అందమైన కళ. మీ ప్రయాణానికి ఒక విజువల్‌ డైరీ. మీ ఫాలోవర్లకు ప్రేరణనిచ్చే ఓ సాధనం కూడా!

డీఎస్‌ఎల్‌ఆర్‌ ఎందుకు?

• ఎక్కువ క్వాలిటీతో RAW ఫార్మాట్‌లో ఫొటోలు తీసుకోవచ్చు. బ్లాగర్లు, ఇన్‌స్టా, యూట్యూబ్‌ థంబ్‌నెయిల్స్‌కు అనుకూలంగా ఉంటాయి.
  ల్యాండ్‌ స్కేప్స్‌, పోర్ట్రెయిట్స్‌, స్ట్రీట్‌ మూమెంట్స్‌.. అన్నిటినీ క్యాప్చర్‌ చేయడానికి అవసరమైన లెన్స్‌ను మార్చుకోవచ్చు.
  మాన్యువల్‌ కంట్రోల్‌ ద్వారా.. మీ అవసరానికి తగ్గట్టుగా ఎక్స్‌పోజర్‌, కలర్స్‌, మూడ్‌ను మార్చుకోవచ్చు
  స్మార్ట్‌ ఫోన్‌ కెమెరాతో పోలిస్తే.. నేచురల్‌ డెప్త్‌, క్లారిటీ అనేవి మరింత మెరుగ్గా ఉంటాయి.

అవసరమైన పరికరాలు
కెమెరా : తక్కువ బరువు, లోలైట్‌లోనూ మంచి ఫొటోలు తీయగలిగే మోడల్స్‌.. అనుకూలంగా ఉంటాయి. కెనాన్‌ EOS R10 / R7, నికాన్‌ Z50 / Z6, సోని A6400 / A7C మంచి ఆప్షన్స్‌.

లెన్స్‌:

• ప్రయాణాల్లో కనిపించే సాధారణ దృశ్యాలను క్యాప్చర్‌ చేయడానికి 18-55mm కిట్‌ లెన్స్‌ ఉపయోగపడుతుంది.
• ప్రకృతి, జలపాతాలు, ఆర్కిటెక్చర్‌ ఫొటోగ్రఫీ కోసం.. 10-18mm / 16-35mm వైడ్‌ యాంగిల్‌ లెన్స్‌ వాడుకోవచ్చు.
•  ప్రో లెవెల్‌ షాట్స్‌ తీయడంలో.. 24-70mm f/2.8 లెన్స్‌ అద్భుతంగా పనిచేస్తుంది.
• లోలైట్‌లో ఫొటోలు, వీడియోలు తీయాలంటే.. 35mm / 50mm ప్రైమ్‌ లెన్స్‌ వాడాలి. పోర్ట్రెయిట్స్‌, ఫుడ్‌ షాట్స్‌ కోసం పనికొస్తుంది.
• ఇక దూరంగా ఉండే దృశ్యాలను బంధించాలంటే.. 70-200 mm టెలీఫొటో లెన్స్‌ ఉండాల్సిందే! వీటితో వైల్డ్‌లైఫ్‌, క్యాండిడ్‌ మూమెంట్స్‌నూ క్యాప్చర్‌ చేయొచ్చు.

ఇతర పరికరాలు

• ట్రైపాడ్‌: రాత్రిపూట, లాంగ్‌ ఎక్స్‌పోజర్‌ ఫొటోలు తీయడానికి..
• ఎన్‌డీ ఫిల్టర్‌: జలపాతాలు, మోషన్‌ బ్లర్‌ కోసం..
• పొలరైజర్‌: ఆకాశం, రిఫ్లెక్షన్స్‌ లాంటివి క్యాప్చర్‌ చేయడానికి..
• ఎక్స్‌ట్రా బ్యాటరీలు, మెమొరీ కార్డ్స్‌
• వెలుతురు కోసం మినీ ఎల్‌ఈడీ లైట్‌ ఉండాలి.

డీఎస్‌ఎల్‌ఆర్‌ సెట్టింగ్స్‌ : 1. ల్యాండ్‌స్కేప్‌ ఫొటోలు

• మోడ్‌: అపర్చర్‌ ప్రియారిటీ (Av)
• అపర్చర్‌: f/8 – f/11
• ఐఎస్‌వో: 100 – 200
• ఫోకస్‌: AF-S
• టిప్‌: ఫొటోల్లో డెప్త్‌ పెరగడానికి ఫోర్‌గ్రౌండ్‌లో ఉన్నవాటినీ ఫ్రేమ్‌లో కలిపేయండి.

2. స్ట్రీట్‌ ఫొటోగ్రఫీ

• మోడ్‌: అపర్చర్‌ ప్రియారిటీ (Av)
• అపర్చర్‌: f/5.6
• షట్టర్‌ స్పీడ్‌: 1/250 sec
• ఐఎస్‌వో: 200-800
• ఫోకస్‌: AF-C (కదిలే సబ్జెక్ట్‌ కోసం..)

3. ట్రావెల్‌ పోర్ట్రెయిట్స్‌

• అపర్చర్‌: f/2.8 – f/4 (బ్యాక్‌ గ్రౌండ్‌ బ్లర్‌ కోసం)
• షట్టర్‌ స్పీడ్‌ : 1/200 sec
• ఐఎస్‌వో : 200-400
• ఫోకస్‌: Eye AF (అందుబాటులో ఉంటే..)

4. ఫుడ్‌ షాట్స్‌ (కెఫేలు, స్ట్రీట్‌ ఫుడ్‌ కోర్టుల దగ్గర..)

• అపర్చర్‌: f/2.8
• ఐఎస్‌వో: 200-400
•  వైట్‌ బ్యాలెన్స్‌: Shade / Cloudy
•  టిప్‌: కిటికీల నుంచి వచ్చే వెలుతురును వాడుకుంటూ.. ఫొటోలు క్యాప్చర్‌ చేయండి.

5. నైట్‌ ఫొటోగ్రఫీ

• మోడ్‌: మాన్యువల్‌
• అపర్చర్‌: f/8 – f/11
• షట్టర్‌ స్పీడ్‌: 5-30 sec
• ఐఎస్‌వో: 100-200
• ట్రైపాడ్‌ అవసరం

కంపోజిషన్‌ చిట్కాలు:

• ఫొటోలు బ్యాలెన్స్‌డ్‌గా ఉండాలంటే.. రూల్‌ ఆఫ్‌ థర్డ్స్‌ని ఫాలో అవ్వండి.
• రహదారులు, వంతెనలు, నది దారులను లీడింగ్‌ లైన్స్‌గా వాడుకోండి.
• తలుపులు, కిటికీలు, చెట్లు, ఆర్చులను ఫ్రేమ్‌లుగా ఉపయోగించి.. క్రియేటివ్‌ ఫ్రేమింగ్‌ చేయండి.

కంటెంట్‌ టిప్స్‌:

• ట్రావెల్‌ బ్లాగింగ్‌లో లోకల్‌ ఫ్లేవర్స్‌కు అధిక ప్రాధాన్యం ఇవ్వండి. మీరు తీసే ప్రతి ఫొటో.. మీ బ్లాగ్‌కు ఒక చాప్టర్‌ లాంటిది. అందుకే, ఫొటోల కన్నా.. అక్కడి కథను చెప్పడానికి ఎక్కువ ఆసక్తి చూపండి.
• లోకల్‌ వెరైటీలను బంధించండి. వీధులు, ప్రకృతి, సంస్కృతి, ప్రజల వస్త్రధారణ, ఆహారం, అక్కడి నిర్మాణాలను ఎక్కువగా ఫోకస్‌ చేయండి.
• క్యాండిట్‌ మూమెంట్స్‌, స్థానిక జీవనశైలి లాంటివి వ్లాగ్స్‌కు మరింత రిచ్‌నెస్‌ అందిస్తాయి.
• స్టోరీ టెల్లింగ్‌ కోసం సీన్స్‌తోపాటు డీటెయిల్స్‌ కూడా అవసరమే. కాబట్టి, ప్రతి ప్రదేశాన్ని మూడు కోణాల్లోనూ క్యాప్చర్‌ చేయండి. వైడ్‌ యాంగిల్‌, మీడియం, క్లోజ్‌ అప్స్‌లో షాట్స్‌ తీసుకోండి.

ప్రాక్టికల్‌ టిప్స్‌:

• ఉదయం గోల్డెన్‌ అవర్‌లో ఎక్కువగా షూట్‌ చేయండి.
• ఆకాశం మేఘావృతమై ఉన్నప్పుడు ప్రకృతిపై దృష్టి పెట్టండి.
• RAW లో షూట్‌ చేయండి
• స్థానికులు, మతపరమైన నిర్మాణాలను ఫొటోలు తీసేటప్పుడు.. అక్కడివారి అనుమతి తీసుకోండి.చివరగా.. ట్రావెల్‌ బ్లాగింగ్‌ ఫొటోగ్రఫీ అనేది కళ + అనుభవం + కథనాల కలయిక. ఒక మంచి ట్రావెల్‌ బ్లాగ్‌ అనేది కేవలం ఆ ప్రదేశాన్ని మాత్రమే చూపించదు. ఆ ప్రదేశాన్ని మీరు ఎలా అనుభూతి చెందారో నలుగురికీ చెబుతుంది.

-ఆడెపు హరికృష్ణ