Hansika | జయాపజయాలతో సంబంధం లేకుండా.. విభిన్నమైన క్యారెక్టర్లు చేస్తూ దక్షిణాదిలో ప్రత్యేకమైన గుర్తింపును తెచ్చుకున్న నటి.. హన్సిక మోత్వాని. వెండితెరపై పదేండ్ల ప్రయాణం ఆమెది. త్వరలోనే 50వ సినిమాతో ప్రేక్షకులను మెప్పించేందుకు వస్తున్నది. రెండేండ్ల గ్యాప్ తర్వాత ఏడు వరుస సినిమాలతో దక్షిణాదిని షేక్ చేసేందుకు సిద్ధంగా ఉందీ సొట్టబుగ్గల సుందరి. తన కొత్త సినిమాల సంగతులు, విభిన్న పాత్రల విశేషాలు హన్సిక మాటల్లోనే..
కొత్తగా సినీ పరిశ్రమలోకి రావాలనుకుంటున్న వారు ఆశతో ఉండండి.. ఈ క్షణంలోనే బతకండి. కష్టపడి పనిచేస్తూ వెళ్తుంటే విధి కూడా మీకు సహకరిస్తుంది. తప్పక విజయం సాధిస్తారు. ఇదే నేను ఆచరించే జీవన సూత్రం.
నా అందానికి తగ్గట్టు గ్లామర్ పాత్రలు వస్తే చెయ్యడానికి వెనకాడను. ఏ పాత్రకైనా శ్రమ, శక్తి కావాలి. పాత్రను ఆవాహనం చేసుకోలేకపోతే.. అవుట్పుట్ సరిగా రాదు. ఏ పాత్రా కష్టమైంది కాదు.. అలాగని సులువైంది కూడా కాదు.
‘మహా’ విడుదల కొన్ని కారణాల వల్ల వాయిదా పడుతూ వస్తున్నది. ఇది నా 50వ చిత్రం. ఆశనిరాశల్ని అధిగమించే మానసిక స్థితికి చేరుకునే ప్రయత్నం చేస్తున్నా. ఇటీవల నా 55వ సినిమా షూటింగ్ ప్రారంభమైంది.
నేను విభిన్నమైన స్క్రిప్ట్లు ఇష్టపడతాను. నటనలో మరింత వైవిధ్యం ఉండేలా నన్ను నేను తీర్చిదిద్దుకుంటాను. ఇప్పటి వరకూ మీరు చూసిన హన్సిక వేరు. రానున్న చిత్రాల్లో చూడబోతున్న హన్సిక వేరు. నటనలో ఎంత పరిణతి చెందానో మీరే చూస్తారు.
దర్శకులు నన్ను కొత్త కోణంలో చూపించాలని అనుకుంటున్నారు. నాపై ఎంతో నమ్మకంతో ఉన్నారు. నేను మోయగలిగే ప్రాజెక్టులనే భుజాలకు ఎత్తుకున్నాను. నన్ను విభిన్నమైన పాత్రలకు ఎంపిక చేసే దర్శకులకే ఆ క్రెడిట్ దక్కుతుంది.
ఓటీటీలు వచ్చాక లేడీ ఓరియెంటెడ్ సినిమాల హవా పెరిగింది. ఇదొక శుభ పరిణామం. నేనూ ఓటీటీ వేదికగా ఓ సిరీస్ చేస్తున్నాను. కథ బాగా కుదిరింది. అందులో నాదొక భిన్నమైన క్యారెక్టర్. ఓ ప్రేక్షకురాలిగా నన్ను నేను ఓటీటీ సిరీస్లో చూడాలని అనుకునేదాన్ని. ఆ ఆశ ఇప్పుడు తీరబోతున్నది.
ఒక సినిమాకు దర్శకత్వం వహించడం అనేది చాలా పెద్ద టాస్క్. నేను దర్శకత్వం వైపు వెళ్తున్నాననే పుకార్లు వస్తున్నాయి. వాటిలో నిజం లేదు. కొన్ని సినిమాలు ఇప్పటికే పూర్తి చేశాను. వాటిని రిలీజ్ చేసేందుకు నిర్మాతలు కూడా ప్లాన్ చేసుకుంటున్నారు. అన్నీ ఒకదానికొకటి పూర్తి భిన్నంగా ఉంటాయి. ఫిక్షన్, యాక్షన్, కామెడీ, రొమాన్స్, డ్రామా కలగలిసి ఉంటాయి.
Hansika | తెలుగు,తమిళ,హిందీ భాషల్లో.. హన్సిక ‘మై నేమ్ ఈజ్ శృతి’”
“వాటిని చూస్తే కాజల్, తమన్నా, ఇలియానాకు భయమట .. ఏంటవి?”
“Hansika Motwani | హీరోయిన్లకు టైమ్ బాగుంది : హన్సిక”
“Hansika Motwani | బీచ్లో హన్సిక మోత్వాని.. స్టన్నింగ్ ఫొటోలు”
“హన్సికకు మంచి రోజులువచ్చాయి..!”