ప్రేమ.. మందిరం!

పెండ్లికి పందిరేస్తాం. పండక్కి మామిడి తోరణాలు కడతాం.మరి, ప్రేమికుల రోజున? అలంకరణ ఎలా ఉండాలి? గోడలను ఎలా ముస్తాబు చేయాలి? వాకిలిని ఎలా సింగారించాలి? అతిథులను ఎలా ఉక్కిరిబిక్కిరి చేయాలి? ప్రేమ పరీక్షలో గెలిచి ఓ ఇంటివారైన దంపతుల కోసం..

పెండ్లికి పందిరేస్తాం. పండక్కి మామిడి తోరణాలు కడతాం.మరి, ప్రేమికుల రోజున? అలంకరణ ఎలా ఉండాలి? గోడలను ఎలా ముస్తాబు చేయాలి? వాకిలిని ఎలా సింగారించాలి? అతిథులను ఎలా ఉక్కిరిబిక్కిరి చేయాలి? ప్రేమ పరీక్షలో గెలిచి ఓ ఇంటివారైన దంపతుల కోసం..

ఎప్పుడెప్పుడా అని ఎదురుచూసే ప్రేమికుల రోజుకు ఒక్కరోజే సమయం ఉంది. ఆలూమగలైన సీనియర్‌ ప్రేమికులైతే ఫిబ్రవరి 14ను మరింత ఘనంగా జరుపుకోవాలని తహతహలాడుతున్నారు. అందుకు తగ్గట్లు ముందస్తు ఏర్పాట్లూ చేసుకుంటున్నారు. దీనికోసం వేలకు వేలు ఖర్చు పెట్టాల్సిన పన్లేదు. తక్కువ వ్యయంతోనే ఇంటిని ప్రేమాలయంగా రూపుదిద్దుకోవచ్చు.

• ఎరుపు, గులాబి రంగులు ప్రేమకు సూచికలని చెబుతారు కాబట్టి, ఎక్కువగా ఆయా రంగులనే ఎంచుకోవాలి.
• హృదయాకారపు బెలూన్లతో, గులాబి పూరేకులతో ఇంటిని అనేక రకాలుగా అలంకరించుకోవచ్చు.
• మార్కెట్లో వాలెంటైన్స్‌ డే థీమ్‌ కర్టెన్లు అందుబాటులో ఉన్నాయి. వాటిని తీసుకొచ్చి హాలు, బెడ్‌రూమ్‌ అందంగా ముస్తాబు చేయవచ్చు.
• క్యాండిల్స్‌ను కూడా అలంకరణలో భాగం చేయవచ్చు. క్యాండిల్‌ లైట్‌ డిన్నర్‌ ప్లాన్‌ చేసుకోవచ్చు.
• ప్రధాన ద్వారం మొదలు ప్రతిచోటా ఎరుపురంగు బెలూన్లు, గులాబీలతో అలంకరిస్తే రోజంతా ఇంట్లో పాజిటివ్‌ వైబ్స్‌ ప్రవహిస్తాయి.
• చాక్లెట్స్‌, కేక్స్‌ ఇంట్లోనే తయారు చేసుకోవచ్చు.
• ఈమధ్య హ్యాంగింగ్‌ దిల్స్‌ ట్రెండీగా మారాయి. వీటిని సీలింగ్‌కు వేలాడదీస్తే ఫొటో షూట్‌కి బాగుంటుంది.
• ప్రేమికులుగా ఉన్నప్పటి ఫొటోలను లవ్‌ సింబల్‌ ఫ్రేమ్స్‌లో బంధించి.. షోకేస్‌లో అలంకరించవచ్చు.
• అప్పట్లో ఇచ్చిపుచ్చుకున్న బహుమతులను అందంగా ఓ చోట ప్రదర్శించవచ్చు.
• ప్రేమ విజయంలో భాగస్వాములైన మిత్రులను విందుకు ఆహ్వానించవచ్చు.
• ప్రత్యేక వంటకాలన్నీ హృదయాకారంలో చేయగలిగితే మరీ సూపర్‌.
• రోజంతా ఇద్దరికీ ఇష్టమైన ప్రేమ గీతాలు వినిపించేలా ఏర్పాటు చేసుకోవచ్చు.
• ప్రేమలో అతను ఆమెను, ఆమె అతడిని గెలుచుకోడానికి ఎన్ని చిలిపి వ్యూహాలు పన్నారో..
  ఒకరినొకరు ఆకట్టుకోవడానికి ఎన్నెన్ని ముస్తాబులు చేసుకున్నారో..
  అవన్నీ గృహాలంకరణ విషయంలోనూ అన్వయించుకోవచ్చు. హ్యాపీ.. వాలెంటైన్స్‌ డే!