వంటింట్లో బొమ్మల కొలువు!
లేవగానే వేడి వేడి చాయ్... రుచి కరంగా బ్రేక్ ఫాస్ట్... పొగలుకక్కే అన్నం... అన్నీ వంటింట్లోనే తయారవుతాయి. ఆత్మారాముణ్ని శాంతపరిచే క్రతువుకు అదే వేదిక. మరి, అది మాత్రం అందంగా ఎందుకు కనిపించకూడదు.
లేవగానే వేడి వేడి చాయ్… రుచి కరంగా బ్రేక్ ఫాస్ట్… పొగలుకక్కే అన్నం… అన్నీ వంటింట్లోనే తయారవుతాయి. ఆత్మారాముణ్ని శాంతపరిచే క్రతువుకు అదే వేదిక. మరి, అది మాత్రం అందంగా ఎందుకు కనిపించకూడదు. దీపావళికో, దసరాకో పెట్టినట్టు వంట గదిలోనూ బొమ్మల కొలువు ఎందుకు ఉండకూడదు… అనుకున్నారేమో డిజైనర్లు, వంటింటి వస్తువుల్నే బొమ్మల్లా తీర్చిదిద్దుతున్నారు.
బొమ్మలంటే ఓ రకమైన అందం. వాటిని చూస్తే మనసుకు ఆనందం. అందుకు పసిపిల్లలే కానక్కర్లేదు. పెద్దలకూ అవంటే ముచ్చటే. పండుగ వేళల్లో బొమ్మల కొలువులు అందర్నీ ఆకర్షించడం చూస్తే ఈ విషయం అర్థమవుతుంది. మరి మనకు నచ్చిన ఏ గుత్తి వంకాయ కూరో వండుకుంటేనో, కమ్మటి పాయసాన్ని వేడి వేడిగా సిద్ధం చేసుకుంటేనో.. అది కూడా పొట్టకి పండగేగా. అలాంటి చోటా బొమ్మల కొలువును ఏర్పాటు చేసే అవకాశాన్నిస్తాయి ‘డాల్ లైక్ కిచెన్ యుటెన్సిల్స్’. ఇందులో టీ సెట్ నుంచి స్క్రబ్ హోల్డర్ దాకా ఎన్నో వెరైటీలున్నాయి.

Kitchen Doll 1
ముచ్చటగా…
వంటిల్లంటే అదో సామ్రాజ్యం. అందులో ఎన్ని వస్తువులు కావాలో. ఒక్కటి లేకపోయినా పని కాదు. వాటన్నిటినీ జాగ్రత్తగా సర్దడం అందుబాటులో ఉంచుకోవడం ఇల్లాలి వంతే. అవి కూడా పొందికగా ఉంటేనే వంటిల్లు చూడచక్కగా ఉంటుంది. దాన్ని మరింత ముచ్చటగా చేసే ఈ బొమ్మల తరహా వస్తువుల్లో ఎన్నో రకాలు అందుబాటులో ఉన్నాయి.
ఒక దాని మీద ఒకటి పెడితే బొమ్మలా కనిపించే కెటిల్ కప్పులు, ఉప్పు పప్పుల డబ్బాలన్నీ తన పొట్టలో ఇముడ్చుకొనే జిరాఫీ ర్యాక్లు, ఫ్రెంచ్ ఫ్రైస్, చిప్స్ పెట్టుకుని తినేలా ఉండే బాతు కటోరాలు, ఒక వరుసలో పెడితే కుక్క బొమ్మను తలపించే ఫ్రూట్ బౌల్స్… ఇలా ఒకటా రెండా కిచెన్ను కళకళలాడేలా చేసే వెరైటీలు ఎన్నెన్నో. అంతెందుకు, పచ్చ సొనను వడకట్టేదీ, అంట్ల పీచును పెట్టుకునేదీ కూడా అందమైన బొమ్మల్లే మారిపోతే ఎంత బాగుంటుందో కదూ! పింగాణీ, చెక్క, ప్లాస్టిక్లాంటి వాటిలో ఇవి రూపొందుతున్నాయి. మన ఇష్టాన్ని బట్టి నచ్చిన మెటీరియల్, మెచ్చిన వస్తువును ఎంచుకుంటే… మనదైన ైస్టెల్లో కొలువును సిద్ధం చేయొచ్చు!

Kitchen Doll 2

Kitchen Doll 3

Kitchen Doll 4

Kitchen Doll 5

Kitchen Doll 6

Kitchen Doll 7

Kitchen Doll 8
Read Today's Latest Sunday News in Telugu and Telugu News
RELATED ARTICLES
తాజా వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Harish Rao | తుఫాన్ ముప్పు పొంచి ఉంది.. కల్లాల్లో ఉన్న వడ్లను వెంటనే కొనాలి: మాజీ మంత్రి హరీశ్ రావు
Road accident | అదుపుతప్పి డివైడర్ను ఢీకొట్టిన కారు.. ముగ్గురు దుర్మరణం..!
CPI Ramakrishna | ఏపీలో అధికార పార్టీ దౌర్జన్యం.. చంద్రబాబు మూల్యం చెల్లించక తప్పదు : సీపీఐ రామకృష్ణ
‘హరీశ్రావుపై అనుచిత వ్యాఖ్యలు చేస్తే సహించేది లేదు’
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

