Visit:
పులర్టన్ (యూఎస్): భారత యువ షట్లర్ రౌనక్ చౌహాన్ యూఎస్ ఓపెన్ బ్యాడ్మింటన్ టోర్నీలో సంచలనం సృష్టించాడు. 18 ఏండ్ల ఈ ఛత్తీస్గఢ్ కుర్రాడు.. ప్రపంచ ఆరో ర్యాంకర్ చౌ టీన్ చెన్ (చైనీస్ తైపీ)కు షాకిచ్చాడు. శుక్రవారం జరిగిన పురుషుల సింగిల్స్ ప్రిక్వార్టర్స్లో రౌనక్ 21-17, 26-24తో చెన్ను మట్టికరిపించి క్వార్టర్స్కు అర్హత సాధించాడు.
మరో పోరులో కిదాంబి శ్రీకాంత్.. 21-14, 21-13తో లీ జి జియా (మలేషియా)ను ఓడించగా మహిళల సింగిల్స్లో తన్వి శర్మ.. 21-12, 21-19తో టుంగ్ సియొ-టాంగ్ (చైనీస్ తైపీ)పై గెలిచి క్వార్టర్స్ బెర్తును సాధించింది. దేవికా, రక్షిత సైతం క్వార్టర్స్కు చేరగా.. డబుల్స్ ప్రిక్వార్టర్స్లో గాయత్రి -ట్రీసా జాలీ జోడీ ఓటమిపాలైంది.
