Wanindu Hasaranga | లంక ప్రీమియ‌ర్ లీగ్‌లో సంచ‌ల‌నం.. టాప్ స్కోర‌ర్‌గా శ్రీ‌లంక స్పిన్న‌ర్

Wanindu Hasaranga : శ్రీ‌లంక మిస్ట‌రీ స్పిన్న‌ర్ వ‌నిందు హ‌స‌రంగ‌(Wanindu Hasaranga) సంచ‌ల‌నం సృష్టించాడు. స్వ‌దేశంలో జ‌రిగిన లంక ప్రీమియ‌ర్ లీగ్‌(Lanka Premier League 2023)లో అరుదైన ఫీట్ సాధించాడు. జ‌ఫ్నా కింగ్స్(Jaffna Kings) జ‌ట్టుకు ఆడిన ఏకంగా మూడు అవార్డులు కొల్ల‌గొట్టాడు. టోర్నీలో అత్య‌ధిక ప‌రుగులు చేసినందుకు....

Wanindu Hasaranga : శ్రీ‌లంక మిస్ట‌రీ స్పిన్న‌ర్ వ‌నిందు హ‌స‌రంగ‌(Wanindu Hasaranga) సంచ‌ల‌నం సృష్టించాడు. స్వ‌దేశంలో జ‌రిగిన లంక ప్రీమియ‌ర్ లీగ్‌(Lanka Premier League 2023)లో అరుదైన ఫీట్ సాధించాడు. జ‌ఫ్నా కింగ్స్(Jaffna Kings) జ‌ట్టుకు ఆడిన ఏకంగా మూడు అవార్డులు కొల్ల‌గొట్టాడు. టోర్నీలో అత్య‌ధిక ప‌రుగులు చేసినందుకు ‘ఆరెంజ్ క్యాప్’, వికెట్ల వీరుడిగా నిలిచినందుకు ‘గ్రీన్ క్యాప్’ అందుకున్నాడు. అంతేకాదు అత్య‌ధిక సిక్స‌ర్లు బాదినందుకు మ‌రో అవార్డు అత‌డిని వ‌రించింది. ఈ స్టార్ ఆల్‌రౌండ‌ర్ బ్యాటింగ్ స‌గ‌టులో బాబ‌ర్ ఆజాం(Babar Azam), అవిష్క ఫెర్నాండో(Avishka Fernando) వంటి స్టార్ ఆట‌గాళ్ల‌ను వెన‌క్కి నెట్టేయ‌డం విశేషం.

సొంత గ‌డ్డ‌పై రెచ్చిపోయ‌న హ‌స‌రంగ ప‌ది మ్యాచుల్లో 279 ప‌రుగులు చేశాడు. అది కూడా 34.87 బ్యాటింగ్ స‌గటుతో అద‌ర‌గొట్టాడు. బౌలింగ్‌లోనూ సత్తా చాటి 19 వికెట్లు తీశాడు. మ‌రే బౌల‌ర్‌కు సాధ్యంకాని రీతిలో 10.73 స‌గటు న‌మోదు చేశాడు. దాంతో, అత‌డికే ప్లేయ‌ర్ ఆఫ్ ది సిరీస్ అవార్డు ద‌క్కింది.

For anyone who doesn’t believe in magic, show them this image! There’s only ONE. ONE-indu!#LPL2023 #LiveTheAction pic.twitter.com/OW3pqhqLbo

— LPL – Lanka Premier League (@LPLT20) August 21, 2023

ఈ ఏడాది బిల‌వ్ క్యాండీ (B-Love Kandy)జ‌ట్టు లంక ప్రీమియ‌ర్ చాంపియ‌న్‌గా అవ‌త‌రించిది. నిన్న జ‌రిగిన ఫైన‌ల్లో దంబుల్లా అరా(Dambulla Aura) జ‌ట్టుపై 5 వికెట్ల తేడాతో చిత్తు చేసింది. మొద‌ట బ్యాటింగ్ చేసిన దంబుల్లా టీమ్ 4 వికెట్ల న‌ష్టానికి 147 ర‌న్స్ కొట్టింది. స్వ‌ల్ప ల‌క్ష్యాన్ని క్యాండీ జ‌ట్టు ఒక్క బంతి మిగిలి ఉండ‌గానే ఛేదించింది. క‌మిందు మెండిస్‌(44), కెప్టెన్ ఏంజెలో మ్యాథ్యూస్‌(25)లు అద్భుతంగా ఆడి జ‌ట్టును విజ‌యంవైపు న‌డిపించారు. హ‌స‌రంగ ప్రాతినిధ్యం వ‌హించిన జ‌ఫ్నా కింగ్స్ జ‌ట్టు నాలుగో స్థానంతో స‌రిపెట్టుకుంది.

ఇవి కూడా చ‌ద‌వండి

Asia Cup 2023 | ఆసియా కప్‌కు భారత జట్టు ఇదే.. హైదరాబాదీ ప్లేయర్‌ తిలక్‌వర్మకు ఛాన్స్‌

Prithvi Shaw | కిందపడుతుంటే ఎవరూ పట్టించుకోరు.. పృథ్వీషా ఆసక్తికర ఇన్‌స్టా స్టోరీ