Virat Kohli : భారత క్రికెట్ దిగ్గజం విరాట్ కోహ్లీ(Virat Kohli) మూడు నెలల విరామం తర్వాత మైదానంలోకి దిగుతున్నాడు. ఐపీఎల్ 17వ సీజన్(IPL 2024)తో అభిమానులను అలరించనున్న విరాట్.. కెరీర్లో మరో మైలురాయికి చేరువయ్యాడు. ఇంకో ‘సిక్సర్’ కొడితే ఈ రన్ మెషీన్ టీ20 క్రికెట్లో 12 వేల పరుగుల క్లబ్లో చేరుతాడు. తద్వారా ఈ ఫీట్ సాధించిన తొలి భారత క్రికెటర్గా కోహ్లీ చరిత్ర సృష్టిస్తాడు.
ఐపీఎల్ 17వ సీజన్ ఆరంభ పోరుకు సిద్ధమవుతున్న కోహ్లీ ఖాతాలో ప్రస్తుతం 11,994 పరుగులు ఉన్నాయి. చెపాక్ స్టేడియంలో చెన్నై సూపర్ కింగ్స్పై అతడు మరో ఆరు పరుగులు చేశాడంటే.. 12 వేల క్లబ్లో చేరుతాడు. ఇప్పటికైతే టీ20ల్లో అత్యధిక పరుగుల వీరుల జాబితాలో విరాట్ నాలుగో స్థానంలో ఉన్నాడు.
Virat Kohli needs 6 runs to become the 1st Indian to complete 12,000 runs in T20 cricket. pic.twitter.com/GQvO8bNhh2
— Mufaddal Vohra (@mufaddal_vohra) March 22, 2024
వెస్టీండీస్ మాజీ ఓపెనర్ క్రిస్ గేల్ 14,562 పరుగులతో టాప్లో ఉండగా.. పాకిస్థాన్ మాజీ ఆల్రౌండర్ షోయబ్ మాలిక్(12,993) రెండో స్థానంలో నిలిచాడు. కరీబియన్ మాజీ క్రికెటర్ కీరన్ పోలార్డ్ 12,430 రన్స్తో మూడో స్థానంలో కొనసాగుతున్నాడు. ఫార్మాట్తో సంబంధం లేకుండా రికార్డులను బద్ధలు కొడుతూ వస్తున్న విరాట్.. పోలార్డ్, మాలిక్ల రికార్డును బ్రేక్ చేసినా చేస్తాడు.