Hanuma Vihari : మళ్లీ హైదరాబాద్‌కు ఆడనున్న విహారి

Hanuma Vihari : ఒకప్పుడు రంజీల్లో అదరగొట్టి జాతీయ జట్టులో చోటు సంపాదించుకున్న హనుమ విహారి.. మళ్లీ హైదరాబాద్‌ జట్టు

September 15, 2021 / 05:23 PM IST

Hanuma Vihari : మళ్లీ హైదరాబాద్‌కు ఆడనున్న విహారి

హైదరాబాద్‌ : ఒకప్పుడు రంజీల్లో అదరగొట్టి జాతీయ జట్టులో చోటు సంపాదించుకున్న హనుమ విహారి (Hanuma Vihari).. మళ్లీ హైదరాబాద్‌ జట్టు తరఫున ఆడాలని నిర్ణయించారు. ఈ మేరకు నో ఆబ్జెక్షన్‌ సర్టిఫికేట్‌ ఇవ్వాలని ఆంధ్ర క్రికెట్‌ అసోసియేషన్‌ను కోరగా.. అందుకు అంగీకరించి నో ఆబ్జెక్షన్‌ సర్టిఫికేట్‌ ఇచ్చారు. ఈ విషయాన్ని ఆంధ్ర క్రికెట్‌ అసోసియేషన్‌ కార్యదర్శి వీ దుర్గాప్రసాద్‌ ధ్రువీకరించారు. కాకినాడలో పుట్టిపెరిగిన ఈ 27 ఏండ్ల వయసున్న మిడిలార్డర్‌ బ్యాట్స్‌మెన్‌ తొలుత హైదరాబాద్‌ తరఫున రంజీ పోటీల్లో పాల్గొన్నారు. అనంతరం ఆంధ్రకు తరలివెళ్లాడు. ప్రస్తుతం ఇంగ్లండ్‌లో టెస్ట్‌ సిరీస్‌ కోసం అందుబాటులో ఉన్నాడు. ఇప్పటివరకు 12 టెస్ట్‌ మ్యాచులాడిన విహారి 624 పరుగులు చేశాడు. ఐపీఎల్‌లో 24 మ్యాచులాడి 284 పరుగులు రాబట్టాడు. గత కొన్నాళ్లుగా వార్విక్‌షైర్‌ కౌంటీ క్రికెట్‌ క్లబ్‌తో ఒప్పందం చేసుకున్న విహారి అక్కడ తన బ్యాటింగ్‌కు మెరుగులు దిద్దుకున్నాడు.